མའུ་རི་ཤི་ཡཱཛ་ལུ་འཕུར་མི་ གནམ་གྲུ་ཅིག་ གནམ་ཁར་རླུང་འཚུབས་དང་ ཁ་ཐུག་རྐྱབ་ལས་ མཁའ་འགྲུལཔ་ཚུ་ལུ་རྨ་སྐྱོན།

བི་བི་སི།
སྤྱི་ཟླ་ ༣ པའི་ཚེས་ ༢ ལུ་ ཇར་མ་ནིའི་ ཕེ་རེང་ཕཱཊ་ གནམ་ཐང་ལས་ མའུ་རི་ཤི་ཡཱཛ་ལུ་འཕུར་མི་ ཀཱོན་ཌོར་གནམ་གྲུ་སྡེ་ཚན་གྱི་ གནམ་གྲུ་ཅིག་ མཁའ་རླུང་འཚུབས་ཅན་ཅིག་དང་ ཁ་ཐུག་རྐྱབ་ཡོདཔ་ལས་ མཁའ་འགྲུལཔ་ ༡༧ ལུ་ རྨ་སྐྱོན་བྱུང་ཡོད་པའི་ནང་ལས་ མཁའ་འགྲུལཔ་ ༢ ལུ་ རྨ་སྐྱོན་ཚབས་ཆེན་སྦེ་ར་བྱུང་ནུག།
དེ་ཡང་ གནམ་གྲུ་དེ་ མའུ་རི་ཤི་ཡཱཛ་ལུ་ མ་ཆགསཔ་ཅིག་ཁར་ མ་ཌ་གཱཛ་ཀར་གྱི་ ཉེ་འདབས་ལུ་ བྱུང་ཡོདཔ་ད་ དེ་བསྒང་ གནམ་གྲུའི་ནང་འཁོད་ལུ་ཡང་ གནོད་པ་བྱུང་ཡོདཔ་སྦེ་ཨིན་པས།
མཁའ་འགྲུལཔ་ ༢༧༠ འབག་མི་ གནམ་གྲུ་དེ་ མའུ་རི་ཤི་ཡཱཛ་ རྒྱལ་སྤྱི་གནམ་གྲུ་ཐང་ནང་ གློ་བུར་དུ་ ཆགས་དགོཔ་བྱུང་སྟེ་ རྨ་སྐྱོན་བྱུང་མི་ མཁའ་འགྲུལཔ་ཚུ་ ཁྲིམས་སྲུང་དམག་མི་ཚུ་གིས་ ཉེ་འདབས་ཀྱི་ སྨན་ཁང་ནང་བསྐྱལ་ནུག།
མའུ་རི་ཤི་ཡཱཛ་ལུ་ བདུན་ཕྲག་ཧེ་མའི་ནང་ཡང་ རླུང་འཚུབས་ཕེ་རེ་ཌི་ཟེར་མི་ འཕུ་བ་ལུ་བརྟེན་ཏེ་ གནམ་གྲུ་ཚུ་ འཕུར་འགྲུལ་འབད་ནི་ལས་ བཀག་ཆ་འབད་དགོཔ་ བྱུང་ཡོདཔ་ད་ ཨཱཕ་རི་ཀའི་ ལུང་ཕྱོགས་ནང་ འཕྲལ་ཁམས་ཀྱི་ བདུན་ཕྲག་ཚུ་ནང་ ཆརཔ་ཡང་ཤུགས་སྦེ་ར་ རྐྱབ་སྟེ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: