ཡུ་ཀེ་རེན་གྱི་ ས་གནས་ཁག་མ་འདྲཝ་ཚུ་ནང་ ར་ཤི་ཡའི་ མཁའ་དམག་ཐོག་ལས་ གནོད་པ་བཀལ་ཡོདཔ།

བི་བི་སི།
ར་ཤི་ཡ་གིས་ ཡུ་ཀེ་རེན་གྱི་ ས་གནས་ཁག་མ་འདྲཝ་ཚུ་ནང་ མི་ཛ་ཡེལ་ཚུ་ བཏང་པ་ལུ་བརྟེན་ཏེ་ ཁར་ཀབ་དང་ ཨོ་དེ་སའི་ སྡོད་ཁྱིམ་དང་ གཞི་རྟེན་མཁོ་ཆས་ཚུ་ལུ་ གནོད་སྐྱོན་བྱུང་སྟེ་ཡོད་ཟེར་ ཡུ་ཀེ་རེན་གྱི་་འགོ་དཔོན་ཚུ་གིས་ བཤད་ཡོདཔ་ཨིན་པས།
ཡུ་ཀེ་རེན་ ལུང་ཕྱོགས་ཁག་གི་ འགོ་ཁྲིདཔ་ཚུ་གིས་ བཤད་དོ་བཟུམ་འབད་བ་ཅིན་ ས་གནས་ཁག་དག་པ་ཅིག་ནང་ར་ གློག་མེའི་བརྒྱུད་ཐག་ཚུ་ མེདཔ་ཐལ་ཏེ་ གློག་མེ་མེད་པར་ཡོད་ཟེར་ཨིན་པས།
ཨོ་དེ་སའི་ མཚོ་འགྲམ་ཁྲོམ་སྡེའི་ཁྲོམ་དཔོན་ མག་སིམ་ མར་ཅེང་ཀོ་གིས་ ཁྲོམ་སྡེ་དེ་ནང་ཡོད་མི་ གློག་མེའི་མཐུན་རྐྱེན་ཅིག་གུ་ མི་ཛ་ཡེལ་ ཕོག་ཡོདཔ་ལས་ གློག་མེ་མེད་པར་ཡོདཔ་ད་ མི་ཛ་ཡེལ་ཚུ་ སྡོད་ཁྱིམ་ཚུ་ལུ་ ཕོག་ཡོད་རུང་ མི་ལུ་ཤི་རྐྱེན་མ་བྱུངམ་ཨིན་པས།.
ཁར་ཀིབ་ལུང་ཕྱོགས་ཀྱི་ བདག་སྐྱོང་འགོ་འཛིན་ ཨོ་ལེག་སི་ནེ་གུ་བོབ་ཀྱིས་ ཁོང་གི་ཁྲོམ་སྡེ་དང་ ལུང་ཕྱོགས་དེ་ནང་ མི་ཛ་ཡེལ་ ༡༥ དེ་ཅིག་ གཞི་རྟེན་མཁོ་ཆས་གལ་ཅན་ཚུ་དང་ སྡོད་ཁྱིམ་གཅིག་ལུ་དམིགས་ཏེ་ བཏང་ཡོདཔ་མ་ཚད དྷི་པོ་ལུང་ཕྱོགས་དང་ ལུང་ཕྱོགས་གཞན་གྱི་ ས་གནས་ཚུ་ནང་ཡང་ མེ་ཛ་ཡེལ་ ཕོག་ཡོད་པའི་ སྙན་ཞུ་ཡོདཔ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: