ར་ཤི་ཡ་གིས་ ཡུ་ཀེ་རེན་ལུ་ མགྱོགས་ཤུགས་ཅན་གྱི་ མི་ཛ་ཡེལ་ལག་ལེན།

བི་བི་སི།
ཡུ་ཀེ་རེན་གྱི་ ས་ཁོངས་ཚུ་ནང་ ར་ཤི་ཡ་གིས་ ནུས་ཤུགས་ཅན་གྱི་ མཚོན་ཆ་དང་ མི་ཛ་ཡེལ་ཚུ་ ལག་ལེན་འཐབ་སྟེ་ མི་གྲངས་ ༩ ལུ་ ཤི་རྐྱེན་བྱུང་ཡོདཔ་ཨིན་པས།
དེ་ཡང་ འདས་པའི་བདུན་ཕྲག་ཚུ་ནང་ གནོད་སྐྱོན་བྱུང་མི་ཚུ་གི་གྲས་ལས་ འཚུབས་ཅན་ཅིག་ཨིན་པ་ལུ་བརྟེན་ཏེ་ ཡུ་ཀེ་རེན་གྱི་ ས་ཁོངས་ཟ་པོ་རི་ཞི་ཡ་ལུ་ཡོད་མི་ ཡུ་རོབ་ལུང་ཕྱོགས་ཀྱི་ རྡུལ་ཕྲན་ནུས་ཤུགས་ འཕྲུལ་ཁང་སྦོམ་ཤོས་ཀྱི་ གློག་མེ་དེ་ མེདཔ་བཏང་ཡོད་རུང་ བསྐྱར་གསོ་འབད་ཚུགས་ནུག།
སྤྱི་ཟླ་ ༣ པའི་ཚེས་ ༩ ལུ་ ར་ཤི་ཡའི་ སྲུང་སྐྱོབ་ལྷན་ཁག་ལས་ མགྲིན་ཚབ་ཅིག་གིས་ བཤད་དོ་བཟུམ་འབད་བ་ཅིན་ མགྱོགས་ཤུགས་ཅན་གྱི་ མི་ཛ་ཡེལ་དང་སྦྲགས་ཏེ་ མཁའ་ཐོག་དང་ རྒྱ་མཚོ་ དེ་ལས་ ས་ཐོག་རྒྱང་རིང་མཚོན་ཆ་ཚུ་གིས་ ཡུ་ཀེ་རེན་གྱི་ དྲག་པོའི་གཞི་རྟེན་མཁོ་ཆས་ གཙོ་བོ་ཚུ་ལུ་ ཕོག་ཅི་ཟེར་ཨིན་པས།
ར་ཤི་ཡ་གིས་ ལག་ལེན་འཐབ་མི་ ཨི་རཱན་ལུ་ བཟོ་བསྐྲུན་འབད་མི་ དམག་འཐབ་གནམ་གྲུ་ཆུང་བ་ ཌཱོན་ ༤ དང་ མི་ཛ་ཡེལ་ ༣༤ ཡུ་ཀེ་རེན་གྱི་ དམག་མི་ཚུ་གིས་ ཕབ་བཏང་ཡོདཔ་སྦེ་ བཤད་ཡོད་རུང་ མགྱོགས་ཤུགས་ཅན་གྱི་ ཀིན་ཞཱལ་མི་ཛ་ཡེལ་ ༦ དང་ གོ་མཚོན་རྙིངམ་དང་ དམག་གྲུ་ཐོག་ལས་བཏང་མི་ མི་ཛ་ཡེལ་ཚུ་ བཀག་མ་ཚུགསཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: