སྤྱི་ཟླ་ ༣ པའི་ཚེས་ ༩ ལུ་ ཐིམ་ཕུ་ལུང་བསྟན་ཕུག་གི་ གནམ་གྲུ་ཧེ་ལི་ཀོབ་ཊར་ ཆགས་ཐང་གི་ ལྟག་ལུ་ཡོད་མི་ རྒྱལ་གཞུང་འབྲུག་གི་དམག་སྡེའི་ སྡོད་ཁྱིམ་ས་ཁོངས་ནང་ མེ་རྐྱེན་བྱུང་སྟེ་ ཁང་ཚན་ ༩༡ དེ༌ཅིག༌ ཚིགས་ཡོད་མིའི་ནང་ལས་ ཅ་ཆས་ཚུ་ ག་ནི་ཡང་ མ་ཐོབ་སྟེ་འབད་རུང་ མི་ལུ་ གནོད་སྐྱོན་ཚུ་ མ་བྱུངམ་ཨིན་པས། .
དེ་བསྒང་ ས་གནས་དེ་ཁའི་མི་ཚུ་ ལུང་བསྟན་ཕུག་ རྐང་རིལ་རྩེད་ཐང་ནང་ ལྟདམོ་བལྟ་བར་ འགྱོ་སྡོད་པའི་བར་ན་ ཁང་ཚན་ཅིག་གི་ནང་ལས་ མེ་འབར་མི་དེ་གིས་ སྐར་ཆ་དག་པ་ཅིག་གི་ནང་ར་ ཁང་ཚན་གཞན་ཚུ་ནང་ དར་ཁྱབ་སོང་ནུག།
གནས༌སྐབས༌ཀྱི༌ སྡོད་ཁྱིམ་ཚུ་ཡང་ ཤིང་སྲབ་ལེབ་ཀྱིས་ བཟོ་སྟེ་ཡོདཔ་ལས་ མེ་དེ་འཇམ་ཏོང་ཏོ་སྦེ་ འཕྱེལ་སོང་ཡོདཔ་ད་ མེ་རྐྱེན་དེ་ཡང་ གློག་མེའི་བརྒྱུད་ཐག་ལུ་ སྐྱོན་ཞུགས་ཏེ་ བྱུང་ཡོད་པའི་ དོགས་པ་ཡོད་ཟེར་ཨིན་པས།
མེ་རྐྱེན་བྱུང་སར་ མཐོང་མི་ཅིག་གིས་ བཤད་དོ་བཟུམ་འབད་བ་ཅིན་ མེ་རྐྱེན་དེ་ ཐབ་རླུང་རྒྱ་རྫི་ཅིག་ གས་ཐོག་ལས་ སྡོད་ཁྱིམ་གཞན་ཚུ་ལུ་ ཁྱབ་སྤེལ་སོང་ཡི་ཟེར་ཨིནམ་ད་ དེ་བསྒང་ རླུང་མ་ཤུགས་སྦེ་ འཕུ་ནི་དེ་གིས་ མེ་བསད་ནི་ལུ་ བར་ཆད་རྐྱབ་ཅི་ཟེར་ཨིན༌པས།
དེ༌མ༌ཚད༌ མེ་རྐྱེན་དེ་ ཅང་ཇི་ཇི་ལུ་ རྒྱལ་ཡོངས་ཁྱིམ་བཟོ་གོང་འཕེལ་གྱི་ སྒྲིང་ཁྱིམ་ ༢ ལུ་ཡང་ ཁྱབ་སྤེལ་སོང་སྟེ༌ གནོད༌སྐྱོན༌བྱུང༌ཡོདཔ༌ད༌ མེ་དེ་ དུས་ཡུན་ཆུ་ཚོད་ ༢ ཀྱི་རྒྱབ་ལས་ བསད་ཚུགས་ཡོད་པའི་གནས་ཚུལ།.
Users Today : 726
Users Yesterday : 1379
This Month : 726
This Year : 229567
Total Users : 941383
Views Today : 1756
Total views : 2740799
Who's Online : 6