དཱན་ཏག་གི་ བཟོ་གྲྭའི་ཞབས་ཏོག་རྒྱ་སྐྱེད།

འབྲུག་གི་བཟོ་གྲྭ་ཁང་ཚུ་གིས་ དཱན་ཏག་ལུ་ བཟོ་བསྐྲུན་ཅ་ཆས་དང་ ཅ་ཆས་གཞན་ཚུ་ མཁོ་སྤྲོད་ཐོག་ལས་ རྒྱལ་ཁབ་གོང་འཕེལ་ནང་ གྲལ་གཏོགས་འབད་དགོ་པའི་ བསྐུལ་མ་འབདཝ་ལས་ དཱན་ཏག་ལས་འགུལ་གྱིས་ ཕུན་ཚོགས་གླིང་ལུ་ བཟོ་གྲྭའི་ཞབས་ཏོག་ རྒྱ་སྐྱེད་ལས་རིམ་གྱི་ ཞལ་འཛོམས་ཅིག་ འགོ་འདྲེན་འཐབ་ནུག།
ཞལ་འཛོམས་དེ་ དཱན་ཏག་ལས་འགུལ་གྱི་ བཟོ་རིག་འགོ་དཔོན་གཙོ་འཛིན་ མདོ་འཛིན་ཇཱཛ་ཝིན་དར་སིང་དང་ འབྲུག་བཟོ་གྲྭ་ཚོགས་པའི་གཙོ་འཛིན་ དྲག་ཤོས་ཨྱོན་ཚེ་སྐྱོབ་ ༢ ཀྱིས་ ཁྲི་འཛིན་ཐོག་ལུ་ ཚོགས་ཡོདཔ་ཨིན་པས།
དེ་ཡང་ ས་གནས་ཀྱི་ འཐོན་སྐྱེད་ཚུ་ འབྲུག་ནང་འཁོད་ལུ་ར་ སྤྱོད་ནི་གི་ འོས་འབབ་ཡར་དྲག་གཏང་ཐབས་ལུ་ཨིནམ་ད་ ཅ་ཆས་ཚུ་ དཱན་ཏག་ལས་འགུལ་ལུ་ མཁོ་སྤྲོད་འབད་བ་ཅིན་ ས་གནས་ཀྱི་ བཟོ་གྲྭ་ཁང་ཚུ་གིས་ རྒྱལ་ཁབ་གོང་འཕེལ་ནང་ འགན་ཁུར་འབག་ཚུགས་ནི་ཨིནམ་མ་ཚད་ བཟོ་བསྐྲུན་གྱི་ གནས་གོང་མར་ཕབ་ལུ་ཡང་ ཕན་ཐོགས་འབྱུང་ནི་ཨིན་པས།
དེ་བསྒང་ མདོ་འཛིན་ཇཱཛ་ཝིན་དར་སིང་གིས་ འབྲུག་གི་གོང་འཕེལ་ནང་ ས་གནས་ཀྱི་ བཟོ་གྲྭ་ཁང་ཚུ་ གལ་ཆེ་བའི་སྐོར་ལས་དང་ བཟོ་གྲྭ་ཁང་ཚུ་གིས་ བཟོ་བསྐྲུན་ཅ་ཆས་ཚུ་ མཁོ་སྤྲོད་ནི་ལུ་ གྲལ་གཏོགས་ཡར་དྲག་གཏང་དགོཔ་ གལ་ཆེ་བའི་སྐོར་ལས་ གསལ་བཤད་འབད་ཡོད་པའི་གནས་ཚུལ།

Please follow and like us: