ཡུ་ཀེ་རེན་གྱིས་ བཱག་མུཏ་ཁྲོམ་ནང་ ར་ཤི་ཡའི་ དམག་སྡེ་དྲག་ཤོས་ཚུ་ ཨེབ་བཞག་ཡོདཔ།

རོའི་ཊརཛ།
ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀིའི་ ལས་རོགས་ཅིག་གིས་ བཤད་དོ་བཟུམ་འབད་བ་ཅིན་ ད་རེས་ གྱང་ཁོག་ཐལ་ཏེ་ཡོད་མི་ བཱག་མུཏ་ཁྲོམ་ནང་ ཡུ་ཀེ་རེན་གྱི་ དམག་མི་ཚུ་གིས་ ར་ཤི་ཡ་དང་གཅིག་ཁར་ རྒྱབ་བཤུད་མེད་པར་ ཕྱད་མདའ་རྐྱབ་ནི་སྦེ་ སེམས་ཐག་བཅད་ཐོག་ལས་ ར་ཤི་ཡའི་ དམག་སྡེ་དྲག་ཤོས་ཚུ་ ཨེབ་བཞག་ཡོདཔ་ཨིན་པས།
དེ་ཡང་ དམག་འཁྲུག་ནང་ དམར་བསད་མཐོ་ཤོས་ཐོན་མི་ ཡུ་ཀེ་རེན་གྱི་ ཤར་ཕྱོགས་ཁྲོམ་སྡེ་ཆུང་ཀུ་དེ་ འཕྲོ་མཐུད་དེ་ར་ སྲུང་སྐྱོབ་འབད་ནི་སྦེ་ཨིནམ་ད་ ལོ་ངོ་ཕྱེད་ལྷགཔ་ཅིག་གི་རིང་ལུ་ ཁྲོམ་སྡེ་དེ་ནང་ ར་ཤི་ཡ་གིས་ རྒྱལ་ཁ་འཐོབ་ཚུགསཔ་འབད་ནི་ལུ་ བརྩོན་ཤུགས་བསྐྱེདཔ་ཨིན་པས།
ར་ཤི་ཡའི་ ཁ་ཐུག་ལས་ བཱག་མུཏ་ཁྲོམ་དེ་ གནམ་དགུན་གྱི་ དམག་འཁྲུག་ནང་ དམིགས་གཏད་གཙོ་བོ་ཅིག་གི་ཐོག་ལས་ དམག་མི་བརྒྱ་ཕྲག་སྦེ་ གྲལ་གཏོགས་འབད་བཅུག་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: