པ་ཀིཛ་ཏཱན་ སྲུང་སྐྱོབ་དམག་མི་ཚུ་གིས་ ཧམ་བཅོམ་ཐོག་ལས་ ཀྲོབ་མདའ་རྐྱབ་ད་ ངོ་ལོགཔ་ ༨ དང་ ཨ་ལོ་ ༢ ལུ་ཤི་རྐྱེན།

ཨེ་བི་སི།
སྤྱི་ཟླ་ ༣ པའི་ཚེས་ ༡༥ ལུ་ པ་ཀིཛ་ཏཱན་ སྲུང་སྐྱོབ་དམག་མི་ཚུ་གིས་ ཨཕ་གྷ་ནིཛ་ཏཱན་གྱི་ ས་མཚམས་ཉེ་འདབས་ལུ་ཡོད་མི་ གཡིབ་དམག་ས་ཁོངས་ནང་ ཧམ་བཅོམ་ཐོག་ལས་ ཀྲོབ་མདའ་རྐྱབ་པའི་ རྐྱེན་ངན་ནང་ ངོ་ལོགཔ་ ༨ དང་ ཨ་ལོ་ ༢ ལུ་ ཤི་རྐྱེན་བྱུང་ཡོདཔ་མ་ཚད་ དམག་མི་ ༢ ལུ་ཡང་ རྨ་སྐྱོན་བྱུང་ནུག།
དེ་ཡང་ པ་ཀིཛ་ཏཱན་གྱི་ ལྷོ་ཕྱོགས་ཝ་ཟི་རིཛ་ཏཱན་གྱི་ འགེགས་སྲུང་ཁ་ཐུག་ལུ་ དམག་མི་ཚུ་གིས་ ཧ་བཅོམ་འབད་བའི་བསྒང་ ཨ་ལོ་ ༢ ཀྲོབ་མདའ་རྐྱབ་མི་དེ་ ག་ཨིན་ན་ ཧ་མ་གོ་བར་ཡོདཔ་མ་ཚད་ གཡིབ་དམག་སྡེ་ཚན་དེ་ཡང་ ངོས་འཛིན་འབད་མ་ཚུགསཔ་ཨིན་པས།
ག་དེ་སྦ་ཨིན་རུང་ ལོ་ངོ་དག་པ་ཅིག་གི་ཧེ་མར་ ལྷོ་ཕྱོགས་ཝ་ཟི་རིཛ་ཏཱན་ལུ་ པ་ཀིཛ་ཏཱན་གྱི་ ཏཱ་ལི་བཱན་དང་ གཡིབ་དམག་གཞན་ཚུ་གི་ གཞི་སྒར་ཆགས་ཏེ་ སྡོད་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: