ཏཱན་ཟེ་ནི་ཡ་ལུ་ ངོས་འཛིན་མེད་པའི་ ནད་གཞི་ཅིག་ཐོན་ཏེ་ མི་གྲངས་ ༥ ལུ་ཤི་རྐྱེན།

བི་བི་སི།
ཏཱན་ཟེ་ནི་ཡའི་ ནུབ་བྱང་ཁ་ཐུག་ལུ་ ཀེ་ག་རེ་ལུང་ཕྱོགས་ནང་ ངོས་འཛིན་མེད་པའི་ ནད་གཞི་ཅིག་ ཐོན་ཡོདཔ་ལས་ ཉུང་ཤོས་ར་ མི་གྲངས་ ༥ ལུ་ ཤི་རྐྱེན་བྱུང་ནུག།
དེ་ཡང་ ད་ཚུན་གྱི་བར་ན་ མི་གྲངས་ ༧ ལུ་ ནད་གཞི་དེ་ ཐོབ་ཡོད་པའི་ ངོས་འཛིན་བྱུང་ཡོདཔ་ལས་ ཏཱན་ཟེ་ནི་ཡའི་ དབང་འཛིན་ཚུ་གིས་ ཊོག་ཊར་སྡེ་ཚན་ཅིག་ ནད་གཞི་དེ་ ངོས་འཛིན་འབད་བར་ བཏང་ཡོདཔ་ཨིན་པས།
ཤར་ཨཕ་རི་ཀའི་ རྒྱལ་ཁབ་ནང་ ངོས་འཛིན་མེད་པའི་ ནད་གཞི་ཐོན་མི་དེ་གིས་ དྲོད་འབར་རྐྱབ་ནི་དང་ མགུ་ཏོག་ན་ནི་ འུ་སྡུག་ཐང་ཆད་ནི་ ལྷ་པའི་ནང་ལས་ ཁྲག་ཐོན་ཏེ་ ནཝ་ཨིན་པས་ཟེར་ གསོ་བའི་དབང་འཛིན་ཚུ་གིས་ གསལ་བཤད་འབད་ནུག།
ན་ཧིང་ སྤྱི་ཟླ་ ༧ པའི་ནང་ཡང་ ལྷོ་ཕྱོགས་ལིན་ཌི་ལུང་ཕྱོགས་ནང་ དེ་བཟུམ་མའི་ ནད་གཞི་ཅོག་འཐདཔ་ཅིག་ མི་གྲངས་ ༢༠ ལྷགཔ་ཅིག་ལུ་ ཐོབ་ཡོདཔ་མ་ཚད་ མི་གྲངས་ ༣ ལུ་ ཤི་རྐྱེན་ཡང་ བྱུང་ཡོད་པའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: