རྒྱ་གར་དང་ རྒྱ་ནག་གི་ དམག་མི་ཚུ་གི་བར་ན་ འཇིག་ཉེན་ཅན་གྱི་གནས་སྟངས།

རོའི་ཊརཛ།
སྤྱི་ཟླ་ ༣ པའི་ཚེས་ ༡༨ ལུ་ རྒྱ་གར་གྱི་ ཕྱི་འབྲེལ་བློན་པོ་ ཨེཛ་ཇའི་ཤང་ཀར་གྱིས་ བཤད་དོ་བཟུམ་འབད་བ་ཅིན་ རྒྱ་གར་དང་ རྒྱ་ནག་གི་བར་ན་ ནུབ་ཧི་མ་ལ་ཡའི་ ལུང་ཕྱོགས་ནང་ ལ་དྭགས་ཀྱི་ གནས་སྟངས་དེ་ ཉེན་ཁ་ཅན་ཅིག་ལུ་ འགྱུར་ཏེ་ཡོད་ཟེར་ཨིན་པས།
དེ་ཡང་ རྒྱལ་ཁབ་གཉིས་ཆ་རའི་ཧོངས་ལས་ ལུང་ཕྱོགས་དེ་གི་ ས་གནས་ལ་ལོ་ཅིག་ནང་ དམག་མི་བཀྲམ་སྤེལ་འབད་མི་ཚུ་ ས་ཐག་ཉེ་སར་ ལྷོད་དེ་ཡོད་ནི་དེ་གིས་ཨིན་པས།
སྤྱི་ལོ་ ༢༠༢༠ ལུ་ རྒྱལ་ཁབ་ ༢ ཀྱི་ དམག་མི་ཚུ་གི་བར་ན་ ལུང་ཕྱོགས་དེ་ཁར་ འཐབ་འཛིང་བྱུངམ་ལས་ དམག་མི་ ༢༤ དེ་ཅིག་ལུ་ ཤི་རྐྱེན་བྱུང་ཡོད་རུང་ དོན་གཅོད་དང་ དམག་སྡེའི་བར་ན་ གསུང་གྲོས་གནང་ཐོག་ལས་ ཞི་འཇམ་སོང་ནུག།
དེ་མ་ཚད་ ན་ཧིང་ སྤྱི་ཟླ་ ༡༢ པའི་ནང་ཡང་ རྒྱལ་ཁབ་ ༢ ཀྱི་བར་ན་ ཤར་ཕྱོགས་ས་ཁོངས་ཀྱི་ ས་མཚམས་ལུ་ ཚར་གཅིག་གུ་ བྱ་སྟབས་མ་བདེཝ་ ཐོན་ཡོད་རུང་ ཤི་རྐྱེན་ཚུ་ ག་ནི་ཡང་ མ་བྱུངམ་ཨིན་པས།
ཨིན་རུང་ དམག་མི་ཚུ་ ས་ཐག་ཉེ་སར་ བཀྲམ་སྤེལ་འབད་དེ་ཡོདཔ་ལས་ གནས་སྟངས་དེ་ འཇིག་ཉེན་ཅིག་སྦེ་ར་ གནས་ཏེ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: