གཙུག་ལག་སློབ་དཔོན་མཆོག་གིས་ བསམ་རྩེ་ཤེས་རིག་མཐོ་རིམ་སློབ་གྲྭའི་ སློབ་ཕྲུག་ཚུ་ལུ་ སྔོན་འགྲོའི་བཀའ་ཁྲིད།

ནོར་བུ་བཟང་མོ།
སྤྱི་ཟླ་ ༣ པའི་ཚེས་ ༡༣ ལས་ ཉིན་གྲངས་ ༤ གི་རིང་ལུ་ གཞུང་གྲྭ་ཚང་གི་ གཙུག་ལག་སློབ་དཔོན་མཆོག་གིས་ བསམ་རྩེ་ཤེས་རིག་མཐོ་རིམ་སློབ་གྲྭའི་ སློབ་ཕྲུག་ཚུ་ལུ་ དམ་པའི་ཆོས་ཀྱི་ གོ་བ་བརྡ་སྤྲོད་དང་ ལམ་སྲོལ་ དེ་ལས་ ལམ་སྟོན་ཚུ་ གནང་ཡོདཔ་མ་ཚད་ སྔོན་འགྲོའི་བཀའ་ཁྲིད་དང་ བདེ་བ་ཅན་གྱི་ སྨོན་ལམ་གྱི་ བཀའ་ཁྲིད་ཡང་གནང་ནུག།
སྤྱི་ཚེས་ ༡༦ ལུ་ སློབ་ཕྲུག་ཚུ་ག་ར་ མཉམ་གཅིག་འཛོམས་ཏེ་ མགོན་པོ་འོད་དཔག་མེད་ཀྱི་ ཚོགས་འཁོར་བསྐོར་ཡོདཔ་ད་ ལས་རིམ་དེ་ འོད་དཔག་མེད་ཀྱི་ དབང་གནང་སྟེ་ མཇུག་བསྡུ་ཡོདཔ་ཨིན་པས།
དེ་ལས་ སྤྱི་ཟླ་ ༣ པའི་ཚེས་ ༡༧ ལུ་ གཙུག་ལག་སློབ་དཔོན་མཆོག་ བསམ་རྩེ་ནོར་བུ་གླིང་ སློབ་གྲྭ་ལྟེ་བའི་ སློབ་ཕྲུག་ཚུ་ལུ་ ཆོས་བཤད་དང་ ལམ་སྟོན་ཚུ་ གནང་ཡོདཔ་མ་ཚད་ བཀའ་བསྒོ་ཡང་ གནང་ཡོད་པའི་ གནས་ཚུལ་མདོར་བསྡུས།

Please follow and like us: