ཡུ་ཨེཛ་རྒྱལ་ཁབ་ནང་ མི་སྡེ་བརྡ་བརྒྱུད་ཊིག་ཊོག་ བཀག་དམ་འབད་སྲིད་ནི།

ཨེ་བི་སི།
ཡུ་ཨེཛ་གཞུང་དང་ མི་སྡེ་བརྡ་བརྒྱུད་ ཊིག་ཊོག་གི་བར་ན་ མ་འགྲིགསཔ་ཐོན་ཏེ་ ཡུ་ཨེཛ་རྒྱལ་ཁབ་ནང་ བརྡ་བརྒྱུད་དེ་ བཀག་དམ་འབད་སྲིད་ནི་ཨིན་པའི་སྐོར་ལས་ སྤྱི་ཟླ་ ༣ པའི་ཚེས་ ༢༣ ལུ་ ཊིག་ཊོག་གི་ བཀོད་ཁྱབ་འགོ་དཔོན་གཙོ་འཛིན་ ཤའོ་ཟི་ཅིའུ་གིས་ བདེན་ཁུངས་ཚུ་ ཁྲིམས་བཟོའི་ཚོགས་ཆུང་ཅིག་ནང་ གསལ་བཤད་འབད་ནུག།
དེ་ཡང་ ཡུ་ཨེཛ་རྒྱལ་ཁབ་ནང་ རྒྱ་ནག་ལུ་ གཞིས་གནས་འབད་མི་ མི་སྡེ་བརྡ་བརྒྱུད་ ཊིག་ཊོག་ལག་ལེན་འཐབ་མི་ ས་ཡ་ ༡༥༠ ལྷགཔ་ཅིག་ཡོདཔ་ལས་ ཡུ་ཨེཛ་གཞུང་གི་ འགོ་དཔོན་ཚུ་གིས་ ཁོང་གི་གནད་སྡུད་ཚུ་ རྒྱ་ནག་གཞུང་གི་ ལག་པར་ཚུདདེ་ བརྡ་དོན་རྫུན་མ་ ཁྱབ་སྤེལ་འབད་བའི་ དོགས་པ་ལུ་བརྟེན་ཏེ་ ཡར་སེང་ཅན་གྱི་ དབྱེ་ཞིབ་ཚུ་འབདཝ་ཨིན་པས།
ཊིག་ཊོག་གིས་ རྒྱ་ནག་གཞུང་ལུ་ གནད་སྡུད་ཚུ་ སྤྲོད་ལེན་འབད་ཡོད་པའི་ སྒྲུབ་བྱེད་ག་ནི་ཡང་མེད་རུང་ ཡུ་ཨེཛ་གི་ སྲིད་བྱུས་བརྩམ་མི་ཚུ་གི་ བསམ་འཆར་ལུ་ རྒྱ་ནག་གཞུང་གིས་ ཊིག་ཊོག་ལུ་ གནད་སྡུད་ཚུ་ གཞུང་ལུ་སྤྲོད་དགོ་པའི་ དགོས་མཁོ་བཀོད་འོང་མནོ་བའི་ འཇིགས་སྣང་བསྐྱེདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: