བཀོད་ཁྱབ་སྡེ་རིམ་གྱི་དོན་ལས་ མི་ངོམ་གདམ་འཐུ་དང་འབྲེལ་བའི་ སྲིད་བྱུས་བསྒྱུར་བཅོས།

པདྨ་དབང་འདུས།
སྤྱི་ཟླ་ ༣ པའི་ཚེས་ ༢༤ ལུ་ རྒྱལ་གཞུང་ཞི་གཡོག་ལྷན་ཚོགས་ཀྱིས་ གསལ་བསྒྲགས་ཅིག་ནང་ བཀོད་དོ་བཟུམ་འབད་བ་ཅིན་ བཀོད་ཁྱབ་སྡེ་རིམ་གྱི་དོན་ལས་ མི་ངོམ་གདམ་འཐུ་དང་འབྲེལ་བའི་ སྲིད་བྱུས་དེ་ བསྒྱུར་བཅོས་འབད་ཡོདཔ་བཞིན་དུ་ ད་ལས་ཕར་ བཀོད་ཁྱབ་སྡེ་རིམ་གྱི་དོན་ལུ་ ཞི་གཡོག་གི་ ཕྱི་ཁ་ལས་ཡང་ ཞུ་ཚིག་ཚུ་ བཙུགས་ཆོག་ཟེར་ཨིན་པས།
དེ་བཟུམ་མའི་ བསྒྱུར་བཅོས་དེ་ཡང་ འགོ་ཁྲིད་ཀྱི་ སྡེ་རིམ་ཚུ་ནང་ རིག་རྩལ་མ་འདྲཝ་ཚུ་ བསྡུ་ཐབས་ལུ་ཨིན་རུང་ བཀོད་ཁྱབ་སྡེ་རིམ་གྱི་དོན་ལུ་ དགོས་མཁོ་ཡོད་པའི་ རིག་རྩལ་དང་ ཉམས་མྱོང་ ཤེས་ཚད་ཚུ་ བརྟག་དཔྱད་ཀྱི་དོན་ལས་ བསམ་དཔྱད་ཆོས་རྒྱུགས་དང་ ངོ་རྐྱང་དང་ སྡེ་ཚན་ཐོག་གི་ དྲི་བ་དྲིས་ལན་ཚུ་དང་ དབྱེ་ཞིབ་མ་འདྲཝ་ཚུ་ ལག་ལེན་འཐབ་ནི་ཨིན་པས།
གདམ་འཐུ་བྱ་སྒོའི་ནང་ ལས་སྡེ་ཁག་ལས་ ཆེ་མཐོའི་ངོ་ཚབ་ཚུ་གིས་ གྲལ་གཏོགས་འབད་ནི་ཨིན་པའི་གུ་ རང་དབང་ཅན་གྱི་ འཐུས་མི་དང་ མཁས་མཆོག་འཐུས་མི་ཚུ་ཡང་ བཙུགས་ནི་ཨིན་པས།
གསལ་བསྒྲགས་དེ་གིས་ སྤྱི་ལོ་ ༢༠༢༡ དང་ ༢༠༢༢ ་ལུ་ གསལ་བསྒྲགས་འབད་མི་ བཀོད་ཁྱབ་སྡེ་རིམ་གྱི་ གདམ་འཐུའི་ཁྱད་ཚད་ཚུ་ ཆ་མེད་བཏངམ་ཨིན་ཟེར་ བཀོད་འདུག་པའི་གནས་ཚུལ།

Please follow and like us: