ལྷུན་རྩེ་ཨའུ་མཚོ་ལུ་ སྐྱབས་རྗེ་མཆོག་གིས་ བཀའ་ཆོས་གནང་ནི།

མགོན་པོ།
ཆུ་ཡོས་ཟླཝ ༣ པའི་ཚེ ༡༣ སྤྱི་ཟླ་ ༥ པའི་ཚེས ༣ ལས་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ ལྷུན་རྩེ་རྫོང་ཁག་ ཨའུ་མཚོ་སློབ་གྲྭ་ལྟེ་བའི་ རྩེད་ཐང་ནང་སྦེ་ བདུན་ཕྲག་ ༢ ལྷགཔ་ཅིག་གི་རིང་ལུ་ ཆོས་འཁོར་བསྐོར་གནང་ནི་ཨིན་པས།
དེ་ཡང་ ཤར་ཕྱོགས་རྫོང་ཁག་ ༦ གི་ བླམ་གནས་བརྟན་ཚུ་གིས་ གསོལཝ་བཏབ་བཞིན་དུ་ སྐྱབསརྗེ་རིན་པོ་ཆེ་མཆོག་གི་ ཐུགས་དགོངས་ལས་འཁྲུངས་པའི་ ཟབ་ཆོས་ཁག་མང་རབས་ཅིག་ ཕྱོགས་བསྡེབས་མཛད་གནང་པའི་ ཆོས་སྐོར་ཚུ་གི་ དབང་ལུང་ཁྲིད་རྒྱུན་ཟབ་མོ་ གནང་ནི་སྦེ་ གཏན་འཁེལ་སོང་ཡི་ཟེར་ དབང་ལུང་ཚོགས་ཆུང་ཁྲི་འཛིན་གྱིས་ གསལ་བསྒྲགས་ནང་བཀོད་ནུག།
དེ་འབདཝ་ལས་ དད་མོས་ཅན་གྱི་ ཆོས་མཛད་བླ་སློབ་དང་ སྦྱིན་བདག་སྐྱེ་བོ་ཕོ་མོ་ག་ར་ གོང་གསལ་ཚེས་གྲངས་དང་བསྟུན་ཏེ་ བཀའ་ཆོས་ཞུ་བར་ འབྱོན་གནང་ཟེར་ཨིནམ་ད་ དེ་བསྒང་ སྔ་ཕྱིའི་གསོལ་ཚོགས་དང་ ཉིན་དགུང་གི་ གསོལ་ཇ་ཚུ་ དབང་ལུང་ཚོགས་ཆུང་གི་ ཁ་ཐུག་ལས་ འདྲང་ནི་ཨིན་རུང་ སྡོད་གནས་ཀྱི་ཐེད་ཁར་ རང་རང་སོ་སོ་གིས་ བཅའ་སྒྲིག་རྐྱབ་དགོཔ་སྦེ་ཨིན་པའི་གནས་ཚུལ།

Please follow and like us: