ར་ཤི་ཡ་གིས་ ཡུ་ཀེ་རེན་གྱི་ ཁྲོམ་སྡེ་ལེ་ཤ་ཅིག་ནང་ མཁའ་དམག་ཐོག་ལས་དྲག་བཅོམ།

བི་བི་སི།
ར་ཤི་ཡ་གིས་ ཡུ་ཀེ་རེན་གྱི་རྒྱལ་ས་ ཀི་ཡིབ་ཀྱིས་གཙོས་པའི་ ཁྲོམ་སྡེ་ལེ་ཤ་ཅིག་ནང་ མཁའ་དམག་ཐོག་ལས་ དྲག་བཅོམ་འབད་དེ་ མི་གྲངས་ ༡༢ དེ་ཅིག་ལུ་ ཤི་རྐྱེན་བྱུང་ནུག།
དེ་མ་ཚད་ དབུས་ཕྱོགས་ཁྲོམ་སྡེ་ ཨུ་མཱན་ལུ་ཡང་ མི་ཛ་ཡེལ་ཚུ་བཏང་སྟེ་ སྡོད་ཁྱིམ་ཚུ་ལུ་ གནོད་སྐྱོན་དང་ མི་གྲངས་ ༡༠ དེ་ཅིག་ལུ་ ཤི་རྐྱེན་བྱུང་པ་ལུ་བརྟེན་ཏེ་ རྒྱལ་སྤྱིའི་ཁ་ཐུག་ལས་ ར་ཤི་ཡ་ལུ་ དང་ལེན་འབད་དགོཔ་འདུག་ཟེར་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ གསུངས་ཡོདཔ་ཨིན་པས།
ཀི་ཡིབ་ཁྲོམ་སྡེའི་ དམག་སྡེ་བདག་སྐྱོང་འགོ་འཛིན་གྱིས་ རྒྱལ་ཁབ་དེ་ནང་ དམག་འཁྲུག་འགོ་བཙུགས་ཏེ་ ཉིན་གྲངས་ ༥༡ གི་ ནང་འཁོད་ལུ་ ར་ཤི་ཡ་གིས་ རྒྱལ་ས་ཀི་ཡིབ་ལུ་ མི་ཛ་ཡེལ་ཐོག་ལས་ དྲག་བཅོམ་འབད་མི་དེ་ འགོ་དང་པ་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: