རྒྱ་གར་གྱི་མངའ་སྡེ་ མ་དི་ཡ་པར་དེཤ་གི་ ས་གནས་མོ་རེ་ན་ལུ་ བཟའ་ཚང་ནང་མི་ ༦ དམར་བསད།

ཨེན་ཌི་ཊི་ཝི།
རྒྱ་གར་གྱི་མངའ་སྡེ་ མ་དི་ཡ་པར་དེཤ་ལུ་ ས་ཆའི་སྐོར་ལས་ མ་འགྲིགས་པར་ བྱེལཝ་ཐོན་ཏེ་ བཟའ་ཚང་ཅིག་གི་ནང་ལས་ ཨམ་སྲུ་ ༣ བརྩིས་ཏེ་ ནང་མི་བཟའ་ཚང་ ༦ དམར་བསད་འབད་ཡོདཔ་མ་ཚད་ གཞན་མི་ ༢ ལུ་ཡང་ རྨ་སྐྱོན་བྱུང་ཡོདཔ་ལས་ སྨན་ཁང་ནང་ བསྐྱལ་ཡོདཔ་ཨིན་པས།
དེ་ཡང་ སྤྱི་ཟླ་ ༥ པའི་ཚེས་ ༥ ལུ་ ས་གནས་མོ་རེ་ན་ཟེར་སར་ ཕོ་སྐྱེས་དག་པ་ཅིག་གིས་ ཀྲོབ་མདའ་འབག་སྟེ་ མཚོན་ཆ་འབག་ནི་མེད་མི་ སྡེ་ཚན་ཅིག་ ཤིང་དུམ་གྱིས་ དྲངས་པའི་ཤུལ་ལས་ ཀྲོབ་མདའ་རྐྱབ་ནུག།
ཧེ་མར་ སྤྱི་ལོ་ ༢༠༡༣ ལུ་ ལེ་པ་ཟེར་མི་ གཡུས་ཚན་ནང་གི་ བཟའ་ཚང་ ༢ རང་སོའི་ས་ཆ་གུ་ ཕྱགས་སྙིགས་བཀོག་བའི་སྐོར་ལས་ མ་འགྲིགས་པར་ བཟའ་ཚང་ཅིག་གི་ནང་ལས་ ནང་མི་ ༢ བསད་པའི་ཤུལ་ལུ་ བྱོག་ཡར་སོངཔ་ཨིན་པས།
ཨིན་རུང་ ཁྲིམས་འདུན་ལས་ ནང་འགྲིགས་འབད་དེ་ བྱོག་འགྱོ་མི་ བཟའ་ཚང་ཚུ་ གཡུས་ཚན་དེ་ཁར་ ལོག་འོང་པའི་ཤུལ་ལུ་ བཟའ་ཚང་གཞན་མི་གིས་ གྱོས་ངན་བརྩམས་ཏེ་ དེ་སྦེ་ ལོག་འོང་མི་ བཟའ་ཚང་དེ་ཚུ་ བསད་ཡོདཔ་ལས་ ཁྲིམས་སྲུང་འགག་པ་གིས་ བྱ་ངན་དེ་ནང་ གྲལ་གཏོགས་འབད་མི་ མི་ངོམ་ ༨ ཡང་ ངོས་འཛིན་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: