ཡུ་ཨེཛ་གིས་ ཡུ་ཀེ་རེན་ལུ་ མཁའ་དམག་གནམ་གྲུ་ ཨེཕ་-༡༦ ཚུ་གི་རྒྱབ་སྐྱོར།

བི་བི་སི།
ཡུ་ཨེཛ་གི་ རྒྱལ་ཡོངས་སྲུང་སྐྱོབ་གྲོས་དཔོན་གྱིས་ བཤད་དོ་བཟུམ་འབད་བ་ཅིན་ རྒྱ་པཱན་ལུ་ ཇི་-༧ ཟེར་མི་ རྒྱལ་ཁབ་ཕྱུག་ཤོས་ ༧ གྱི་བར་ན་ ཞལ་འཛོམས་འཚོགས་སར་ སྲིད་འཛིན་ཇཱོ་བ་ཡེ་ཌེན་གྱིས་ ནུབ་ཕྱོགས་མཐུན་འབྲེལ་ རྒྱལ་ཁབ་ཚུ་གིས་ ཨ་མི་རི་ཀ་ལུ་ བཟོ་བསྐྲུན་འབད་མི་ མཁའ་དམག་གནམ་གྲུ་ ཨེཕ་-༡༦ ཟེར་མི་ཚུ་ ཡུ་ཀེ་རེན་ལུ་ བྱིན་ཐག་ཆོགཔ་སྦེ་ བཟོ་ནུག་ཟེར་ཨིན་པས།
དེ་ཡང་ ཡུ་ཀེ་རེན་གྱི་ ཁ་ཐུག་ལས་ ཡུན་རིང་གི་བར་ན་ དེང་དུས་ཀྱི་ གནམ་གྲུའི་གྲོགས་རམ་དགོཔ་སྦེ་ ནན་བསྐུལ་འབད་དེ་ཡོདཔ་ལས་ ད་རེས་ཀྱི་ གྲོས་ཆོད་དེ་ རྒྱལ་རབས་ཅན་ཅིག་ཨིན་ཟེར་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ གསལ་བཤད་འབད་ནུག།
ད་རེས་ ཡུ་ཀེ་རེན་གྱི་ སྲུང་སྐྱོབ་དང་ མཁའ་དམག་ལེགས་སྒྱུར་གྱི་སྐོར་ལས་ བསྟུན་གྲོས་ཚུ་འབད་དོ་ཟེར་ཨིནམ་ད་ གནམ་གྲུ་དེ་ཚུ་ ལག་ལེན་འཐབ་ནིའི་དོན་ལས་ ཡུ་ཨེཛ་གིས་ ཡུ་ཀེ་རེན་གྱི་ དམག་མི་ཚུ་ལུ་ སྦྱོང་བརྡར་ཚུ་ཡང་ བྱིན་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: