འཛམ་གླིང་ནང་ ནད་ཡམས་ཀོ་ཝིཌ་ལུ་བརྟེན་ཏེ་ དུས་ཡུན་སྐར་མ་ ༤ རེའི་བར་ན་ མི་རེ་ལུ་ཤི་རྐྱེན།

ཨེན་ཌི་ཊི་ཝི།
ལོ་ངོ་ ༣ གྱི་རྒྱབ་ལས་ ནད་ཡམས་ཀོ་ཝིཌ་གི་ གློ་བུར་གནས་སྟངས་དེ་ མཇུག་བསྡུ་ཡོད་རུང་ ད་རེས་ནངས་པར་ཡང་ འཛམ་གླིང་ནང་ དུས་ཡུན་སྐར་མ་ ༤ རེའི་བར་ན་ མི་རེ་ལུ་ ཤི་རྐྱེན་བྱུང་དོ་ཡོདཔ་ད་ ནད་ཡམས་ཀོ་ཝིཌ་དེ་ ག་དེ་སྦེ་ འཇོམས་ཚུགས་ག་ མ་ཤེས་པར་ཡོདཔ་ལས་ ཉེན་ཁ་ཅན་གྱི་མི་དང་ ཀོ་ཝིཌ་གི་ སྨན་ཁབ་མ་བཙུགས་མི་ རྒྱལ་ཁབ་ཚུ་ནང་ ཉེན་ཁ་ཡོདཔ་སྦེ་ཨིན་པས།
ད་རེས་ རྒྱལ་ཁབ་མང་ཤོས་ཅིག་ནང་ ཀོ་ཝིཌ་གི་ཉེན་ཁ་ མར་བབས་སོང་ཡོད་རུང་ ནད་གཞི་ཚུ་གི་གྲས་ལས་ ཀོ་ཝིཌ་དེ་ ཤི་རྐྱེན་གྱི་ རྒྱུ་རྐྱེན་དང་པ་སྦེ་ར་ གནས་ཡོདཔ་ད་ དེ་ཡང་ ཡུ་ཨེཛ་རྒྱལ་ཁབ་ནང་འབད་བ་ཅིན་ ནད་ཡམས་ཀོ་ཝིཌ་དེ་ ཨང་ ༣ པ་སྦེ་ གནས་ཡོདཔ་ཨིན་པས།
འཛམ་གླིང་གསོ་བའི་ཚོགས་སྡེ་གིས་ ད་ལས་ཕར་ ཀོ་ཝིཌ་དེ་ གློ་བུར་གྱི་ གནས་སྟངས་ནང་ མི་ཚུད་ཟེར་ གསལ་བསྒྲགས་མ་འབད་བའི་ སྔ་གོང་ལས་ར་ གཞུང་ལེ་ཤ་ཅིག་གིས་ འགྲུལ་བཀག་དང་ ལམ་སྟོན་ཚུ་ གོ་ཡངས་བཏང་ནུག།
ནད་ཡམས་ཀོ་ཝིཌ་གི་ ཧེ་མའི་གོ་རིམ་ཚུ་ནང་ ཟད་འགྲོ་ལྕི་དྲགས་ བཏང་ཚར་བའི་ཤུལ་ལུ་ ད་རེས་ནངས་པར་ བཀག་ཐབས་འབད་ནིའི་ནང་ བརྩོན་ཤུགས་བསྐྱེད་མི་མེདཔ་ཨིན་པས།
དེ་འབདཝ་ལས་ འཛམ་གླིང་ནང་ མི་གྲངས་ས་ཡ་ ༢༠ དེ་ཅིག་ལུ་ ཤི་རྐྱེན་གྱི་ རྒྱུ་རྐྱེན་ཨིན་མི་ ཀོ་ཝིཌ་དེ་ འཕྲོ་མཐུད་དེ་ར་ འགྱུར་བཅོས་སོང་སྟེ་ རྒན་ཤོས་ཚུ་དང་ སྔ་གོང་ལས་ ནད་གཞི་ཡོད་མི་ཚུ་ལུ་ ཉེན་ཁ་བྱུང་དོ་ཡོད་པའི་ནང་ལས་ སྨན་ཁབ་མ་བཙུགས་མི་དང་ ཁ་རས་མ་རྐྱབ་མི་ཚུ་ ཤི་ནི་དང་ དྲག་ནི་དེ་ རང་སོའི་ཁ་རྗེ་ལུ་བརྟེན་དགོཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: