ཐིམ་ཕུ་རྒྱལ་ཡོངས་རྗེས་དྲན་མཆོད་རྟེན་ལུ་ ཟངས་མདོག་དཔལ་རི་སྨོན་ལམ།

དབྱངས་ཅན་ལྷ་མོ།
རང་ཟླ་ ༤ པའི་ཚེས་ ༡༩ སྤྱི་ཟླ་ ༦ པའི་ཚེས་ ༧ ལས་ བདུན་ཕྲག་ ༡ གི་རིང་ལུ་ གྲུབ་ཐོབ་ཐང་སྟོང་རྒྱལ་པོའི་ སྐུ་གསུང་ཐུགས་ཀྱི་རྣམ་སྤྲུལ་ ངག་དབང་འཇིགས་བྲལ་ཀུན་དགའ་རིན་པོ་ཆེ་ དབུ་བཞུགས་ཐོག་ལས་ ཀུར་སྟོད་སྟག་སྐད་ལ་ ཨྱོན་མདོ་སྔགས་འོད་གསལ་ཆོས་གླིང་ གྲྭ་ཚང་གི་ དགེ་སློང་ ༦༠ ལྷགཔ་ཅིག་གིས་ ཐིམ་ཕུ་རྒྱལ་ཡོངས་རྗེས་དྲན་མཆོད་རྟེན་ལུ་སྦེ་ ཟངས་མདོག་དཔལ་རི་སྨོན་ལམ་ འཚོགས་གནངམ་ཨིན་པས།
དེ་ཡང་ སྤྱི་ལོ་ ༢༠༢༢ ལུ་ ཀུར་སྟོད་སྟག་སྐད་ལ་ ཨྱོན་མདོ་སྔགས་འོད་གསལ་ཆོས་གླིང་ གྲྭ་ཚང་ནང་སྦེ་ འགོ་འདྲེན་འཐབ་ཡོད་རུང་ དུས་ཅི་ ཐིམ་ཕུ་རྒྱལ་ཡོངས་རྗེས་དྲན་མཆོད་རྟེན་ལུ་སྦེ་ འགོ་འདྲེན་འཐབ་དོ་ཟེར་ ལས་རིམ་འགོ་འདྲེན་པ་ ཀུན་བཟང་སྟོབས་རྒྱས་ཀྱིས་ བཤདཔ་ཨིན་པས།
ད་རེས་ ས་ག་ཟླ་བའི་ དུས་ཆེན་ཁྱད་པར་ཅན་དང་བསྟུན་ཏེ་ འགོ་འདྲེན་འཐབ་མི་ ཟངས་མདོག་དཔལ་རི་སྨོན་ལམ་དེ་ རང་ཟླ་ ༤ པའི་ཚེས་ ༢༥ སྤྱི་ཟླ་ ༦ པའི་ཚེས་ ༡༣ ལུ་ འགྲོལ་གནང་ནི་ཨིན་པའི་གནས་ཚུལ།

Please follow and like us: