ཡུ་ཀེ་རེན་གྱི་ དམག་མི་ཚུ་གིས་ ས་གནས་ཟ་པོ་རོ་ཞི་ཡའི་ ལྷོད་ཕྱོགས་ལུ་ འཕྲོ་མཐུད་དེ་ར་ ཕྱད་མདའ་རྐྱབ་དོ་ཡོདཔ།

བི་བི་སི།
ར་ཤི་ཡའི་ འགོ་དཔོན་ཚུ་དང་ མི་སྡེ་བརྡ་བརྒྱུད་ཚུ་ནང་ བཀོད་དོ་བཟུམ་འབད་བ་ཅིན་ ཡུ་ཀེ་རེན་གྱི་ དམག་མི་ཚུ་གིས་ ས་གནས་ཟ་པོ་རོ་ཞི་ཡའི་ ལྷོ་ཕྱོགས་ལུ་ འཕྲོ་མཐུད་དེ་ར་ ར་ཤི་ཡའི་ དམག་མི་ཚུ་དང་ ཕྱད་མདའ་རྐྱབ་པའི་བསྒང་ཡོད་ཟེར་ཨིན་པས།
དེ་ཡང་ ཡུ་ཀེ་རེན་གྱི་ དམག་མི་ཚུ་གིས་ སྟོབས་དང་ མེ་སྒྱོགས་ མཁའ་དམག་གནམ་གྲུ་ཆུང་བ་ཌྲཱོན་ཚུ་ ལག་ལེན་འཐབ་སྟེ་ ཨོ་རི་ཁིབ་ཟེར་མི་ ཁྲོམ་གྱི་ལྷོ་ཕྱོགས་ལུ་ འཛུལ་ཞུགས་ཀྱི་དོན་ལས་ བརྩོན་ཤུགས་བསྐྱེད་དོ་ཟེར་ཨིན་པས།
དམག་གི་མཁས་མཆོག་ དག་པ་ཅིག་གིས་ར་ ཡུ་ཀེ་རེན་གྱིས་ ཟ་པོ་རི་ཞི་ཡ་ལུ་ ཟློག་ལན་འབད་ནིའི་དོན་ལས་ གཙོ་བོར་བཏོན་ཏེ་ དུས་ཡུན་རིངམོ་སྦེ་ ཡར་སོང་ཡི་ཟེར་ཨིནམ་ད་ དེ་ཡང་ རྒྱལ་ས་ཀི་ཡེབ་ཀྱི་ ཁ་ཐུག་ལས་ སཱི་ཨོཕ་ཨ་ཟོབ་དེ་ ར་ཤི་ཡའི་ ལག་པ་ལས་ ལོག་ལེན་ཐབས་ལུ་ཨིན་པས་ཟེར་ བཤདཔ་ཨིན་པས།
སཱི་ཨོཕ་ཨ་ཟོབ་དེ་ ཡུ་ཀེ་རེན་གྱིས་ ལོག་འཐོབ་ཚུགས་པ་ཅིན་ ར་ཤི་ཡའི་ དམག་སྡེ་དེ་ སྡེ་ཚན་ཁག་ ༢ ལུ་ འཕྱལ་བཏང་ཚུགས་ནི་ཨིནམ་ལས་ ཁོང་གི་སྟོབས་ཤུགས་དང་ ལྕོགས་གྲུབ་ཚུ་ ཉམས་ནི་ཨིནམ་མ་ཚད་ ར་ཤི་ཡ་གིས་ སྤྱི་ལོ་ ༢༠༡༤ ལུ་ བཙན་འཕྲོག་འབད་དེ་ཡོད་མི་ ལྷོ་ཕྱོགས་ཡུ་ཀེ་རེན་གྱི་ས་གནས་ ཀིར་མི་ཡ་ལུ་ཡང་ ར་ཤི་ཡའི་ དམག་མི་ཚུ་ འཛུལ་ནི་མེདཔ་ བཟོ་ཚུགས་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: