ཀེ་ན་ཌ་ལུ་ སྣུམ་འཁོར་ཐུག་རྐྱེན་ནང་ མི་གྲངས་ ༡༥ དེ་ཅིག་ལུ་ཤི་རྐྱེན།

བི་བི་སི།
ཀེ་ན་ཌའི་མངའ་སྡེ་ མ་ནི་ཊོ་བའི་ འཁོར་ལམ་ཁར་ ཐུག་རྐྱེན་ཚབས་ཆེན་ཅིག་ལུ་བརྟེན་ཏེ་ མི་གྲངས་ ༡༥ དེ་ཅིག་ལུ་ ཤི་རྐྱེན་བྱུང་ནུག།
དེ་ཡང་ འདྲུད་འཁོར་མཉམ་སྦྲགས་ཀྱི་ སྣུམ་འཁོར་ཊག་ ༡ དང་ མི་རྒན་ཤོས་ཚུ་འབག་མི་ སྣུམ་འཁོར་བཱཛ་གཅིག་གི་བར་ན་ བྱུང་ཡོདཔ་ལས་ ནདཔ་སྐྱེལ་འདྲེན་སྣུམ་འཁོར་དང་ གློ་བུར་ཉེན་སྐྱོབ་འབད་མི་ སྡེ་ཚན་ཚུ་ བཏང་སྟེ་ཡོདཔ་ཨིན་པས།
དེ་བསྒང་ སྐྱེལ་འདྲེན་བཱཛ་དེ་ནང་ཡོད་མི་ མི་རྒན་ཤོས་མང་ཤོས་ཅིག་ར་ མ་ནི་ཊོ་བའི་ས་གནས་ ཌའུ་ཕིན་དང་ དེ་གི་མཐའ་འཁོར་ལས་ འོང་ནི་ཨིན་པས་ཟེར་བཀོད་ནུག།
རྨ་སྐྱོན་བྱུང་སྟེ་ སྨན་ཁང་ནང་ བསྐྱལ་མི་ཚུ་གི་གྲས་ཁར་ མི་གྲངས་ ༡༠ དེ་ཅིག་ ལམ་འགྲུལཔ་དང་ དེད་གཡོགཔ་ ༢ ཡོདཔ་ད་ ཀེ་ན་ཌའི་ ཁྲིམས་སྲུང་འགག་སྡེ་གིས་ དེ་སྦེ་ ཐུག་རྐྱེན་བྱུང་སའི་ འཁོར་ལམ་དེ་ གནས་སྐབས་ཅིག་ བཀག་དམ་འབད་དེ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: