ཡུ་ཨེཛ་གི་སྲིད་འཛིན་ བཱ་ཡེ་ཌེན་གྱིས་ རྒྱ་ནག་གི་སྲིད་འཛིན་ ཛི་ཇིན་པིང་ལུ་ དབང་བཙོང་གི་ དབུ་ཁྲིདཔ་ཟེར་འབོ་ཡོདཔ།

བི་བི་སི།
ཡུ་ཨེཛ་གི་སྲིད་འཛིན་ ཇཱོ་བཱ་ཡེ་ཌེན་གྱིས་ ཀ་ལི་ཕོར་ནི་ཡ་ལུ་ མ་དངུལ་བསྡུ་སྒྲུབ་ཀྱི་ ལས་རིམ་ཅིག་ ལག་ལེན་འཐབ་སར་ རྒྱ་ནག་གི་སྲིད་འཛིན་ ཛི་ཇིན་པིང་ལུ་ དབང་བཙོང་གི་ དབུ་ཁྲིདཔ་ཟེར་ འབོ་ཐོག་ལས་ སྐྱོན་བརྗོད་འབད་ནུག།
དེ་ཡང་ སྟོབས་ཤུགས་ཅན་གྱི་རྒྱལ་ཁབ་ ཡུ་ཨེཛ་དང་ རྒྱ་ནག་གི་བར་ན་ བྱ་སྟབས་མ་བདེཝ་ཚུ་ བསལ་ཐབས་ལུ་ ཡུ་ཨེཛ་གི་ རྒྱལ་ཁམས་དྲུང་ཆེན་ ཨེན་ཐོ་ནི་ བི་ལིང་ཀེན་གྱིས་ བེ་ཇིང་ལུ་ རྒྱ་ནག་གི་ སྲིད་འཛིན་ཛི་དང་གཅིག་ཁར་ ཕྱད་པ་འི་ཤུལ་ལས་འབད་ཨིན་པས།
གསུང་གྲོས་ཀྱི་སྐོར་ལས་ སྲིད་འཛིན་ཛི་གིས་ བཤད་དོ་བཟུམ་འབད་བ་ཅིན་ ཧ་ལམ་ལེགས་ཤོམ་སྦེ་ སོང་ཡི་ཟེར་ཨིན་རུང་ བི་ལིང་ཀེན་གྱིས་ ཕྱོགས་གཉིས་རའི་ ཁ་ཐུག་ལས་ ད་རུང་ཡང་ གསུང་གྲོས་གནང་ནི་ལུ་ ཐོགས་ཆག་མེད་པའི་ གནས་སྟངས་ནང་ཡོད་ཟེར་བཤད་ནུག།
སྤྱི་ཟླ་ ༦ པའི་ཚེས་ ༢༠ ལུ་ ཡུ་ཨེཛ་གི་སྲིད་འཛིན་ བཱ་ཡེ་ཌེན་གྱིས་ སྐྱོན་བརྗོད་དང་འབྲེལ་བའི་ གསལ་བཤད་ནང་ བཀོད་དོ་བཟུམ་འབད་བ་ཅིན་ འཕྲལ་ཁམས་ཅིག་ཁར་ རྒྱ་ནག་གི་ གསང་ཞིབ་ལྒང་ཕུ་ཅིག་ ཡུ་ཨེཛ་གུ་ལས་ཕར་ ལྷོད་མི་དེ་ལུ་བརྟེན་ཏེ་ རྒྱ་ནག་གི་ སྲིད་འཛིན་དེ་ ངོ་ཚ་རི་རི་ ཐལ་ཏེ་ཡོད་ཟེར་ཨིན་པས།
ཡུ་ཨེཛ་དང་ རྒྱ་ནག་གི་བར་ན་ ཚོང་འབྲེལ་དང་ འགྲོ་བ་མིའི་ཐོབ་དབང་ དེ་ལས་ ཏཱ་ཡེ་ཝཱན་ལ་སོགས་པའི་ གནད་དོན་ཚུ་གི་ཐོག་ལུ་ ཡུན་རིང་གི་བར་ན་ མ་འགྲིགསཔ་ཐོན་ཏེ་ཡོདཔ་སྦེ་ བཀོད་འདུག་པའི་གནས་ཚུལ།

Please follow and like us: