རྒྱ་གར་ཨ་སམ་མངའ་སྡེའི་ནང་ ཆུ་རུད་ཀྱིས་ མི་སེར་འབུམ་ ༥ དེ་ཅིག་ལུ་གནོད་སྐྱོན།

ཨེ་ཌི་ཊི་ཝི།
རྒྱ་གར་གྱི་ ཨ་སམ་མངའ་སྡེའི་ རྫོང་ཁག་ ༢༢ ཀྱི་ནང་ ཆུ་རུད་ཐོན་ཏེ་ མི་གྲངས་འབུམ་ ༤.༩༦ དེ་ཅིག་ལུ་ གནོད་རྐྱེན་ཚབས་ཆེན་ བྱུང་ཡོདཔ་མ་ཚད་ ས་གནས་ཏ་མཱལ་པུར་ཟེར་སར་ མི་ ༡ ཡང་ ཆུ་ནང་ཐིམ་སྟེ་ ཤི་རྐྱེན་བྱུང་ནུག།
ཨ་སམ་མངའ་སྡེའི་ རྐྱེན་ངན་འཛིན་སྐྱོང་དབང་འཛིན་གྱི་ ཆུ་རུད་སྙན་ཞུ་དང་འཁྲིལཝ་ད་ ཆུ་རུད་དེ་ ཉེན་འཚུབ་ཆེ་ཤོས་ར་ ས་གནས་བ་ཇ་ལི་ཟེར་སར་ཡོདཔ་ད་ ས་གནས་དེ་ནང་ མི་འབོར་འབུམ་ ༢.༦༠ དེ་ཅིག་ལུ་ གནོད་སྐྱོན་བྱུང་ཡོདཔ་ཨིན་པས།
དེ་ལས་ གཞན་ཡང་ ནཱལ་བ་རི་ལུ་ མི་གྲངས་ ༧༧,༧༠༢ དང་ བར་པེ་ཊ་ལུ་ ༦༥,༢༢༡ ལ་ཁིམ་པུར་ལུ་ ༢༥,༦༡༣ བག་ས་ལུ་ ༢༤,༠༢༣ ཏ་མཱུལ་པུར་ལུ་ ༡༩,༢༠༨ ད་རང་ལུ་ ༡༣,༧༠༤ དང་ ཀོག་ར་ཇར་ལུ་ མི་གྲངས་ ༦,༥༣༨ ལུ་ གནོད་སྐྱོན་བྱུང་པའི་ཁར་ ས་ཞིང་ཧེཀ་ཊར་ ༡༤,༠༩༡.༩༠ དེ་ཅིག་ལུ་ཡང་ ཆུ་གིས་གང་ནུག་ཟེར་ བཀོད་འདུག་པའི་གནས་ཚུལ།

Please follow and like us: