ར་ཤི་ཡ་ལུ་ གས་རྫས་གས་པ་ལུ་བརྟེན་ཏེ་ མི་ ༦ ལུ་ ཤི་རྐྱེན་དང་ ༢ ལུ་མ་སྐྱོན།

ཨེ་བི་སི།
སྤྱི་ཟླ་ ༧ པའི་ཚེས་ ༧ ལུ་ ར་ཤི་ཡའི་ གློ་བུར་འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ར་ཤི་ཡའི་ གས་རྫས་འཕྲུལ་ཁང་ཅིག་ནང་ གློ་བུར་དུ་ གས་རྫས་ཅིག་ གས་པ་ལུ་བརྟེན་ཏེ་ མི་ ༦ ལུ་ ཤི་རྐྱེན་དང་ གཞན་མི་ ༢ ལུ་ རྨ་སྐྱོན་བྱུང་ཡི་ཟེར་ཨིན་པས།
དེ་ཡང་ ར་ཤི་ཡའི་རྒྱལ་ས་ མོཛ་ཀོའི་ནུབ་ཁ་ཐུག་གི་ལུང་ཕྱོགས་ ས་མ་ར་ཟེར་སར་ཡོད་མི་ པོ་རོམ་སིན་ཏེཛ་གི་ བཟོ་གྲྭ་འཕྲུལ་ཁང་ནང་ འཕྲུལ་ཆས་ཅིག་ བཤུབ་པའི་སྐབས་ལུ་ གས་སོངཔ་ཨིན་པས།
པོ་རོམ་སིན་ཏེཛ་དེ་ ར་ཤི་ཡ་ལུ་ བཟོ་གྲྭའི་དོན་ལས་ གས་རྫས་བཟོ་བཏོན་འབད་་མི་ གཙོ་བོ་ཅིག་ཨིནམ་ད་ བཟོ་གྲྭ་འཕྲུལ་ཁང་དེ་ཡང་ ས་མ་ར་ལུང་ཕྱོགས་ཀྱི་ཁྲོམ་སྡེ་ ཅ་པ་ཡེབཛ་ཟེར་སར་ ཆགས་ཏེ་ཡོདཔ་སྦེ་ བཀོད་འདུག་པའི་གནས་ཚུལ།

Please follow and like us: