ལྷོ་ཕྱོགས་ཡུ་རོབ་དང་ ནུབ་བྱང་ཨཱཕ་རི་ཀའི་ ས་གནས་མ་ཚུ་ནང་ དྲོད་ཤུགས་མཐོ་དྲགས།

བི་བི་སི།
ལྷོ་ཕྱོགས་ཡུ་རོབ་དང་ ནུབ་བྱང་ཨཱཕ་རི་ཀའི་ ས་གནས་མ་འདྲཝ་ཚུ་ནང་ དྲོད་ཤུགས་མཐོ་དྲགས་སྦེ་ ཁྱབ་སྤེལ་སོང་སྟེ་ ཤུལ་མའི་དུས་ཚོད་ཚུ་ནང་ དྲོད་ཤུགས་དེ་ སྔར་མ་ཐོན་པའི་ ཚད་གཞི་ཁར་ འཛེགས་ནི་གི་ ཉེན་ཁ་ཡོདཔ་ཨིན་པས།
དེ་ཡང་ སི་པེན་དང་ ཕ་རཱནཛ་ གི་རིཛ་ ཀོ་རོ་ཤི་ཡ་ ཊར་ཀི་རྒྱལ་ཁབ་ཚུ་ནང་ དྲོད་ཤུགས་མཐོ་ཚད་ ཌི་གི་རི་སེལ་ཤེཛ་ ༤༠ ལས་ བརྒལ་ནི་བཟུམ་ཅིག་ཡོདཔ་ཨིན་པས།
དེ་བཟུམ་སྦེ་ ཨི་ཊ་ལི་ལུ་འབད་བ་ཅིན་ ཧ་ལམ་དྲོད་ཤུགས་མཐོ་ཚད་ ཌི་གི་རི་སེལ་ཤེཛ་ ༤༨.༨ དེ་ཅིག་ལུ་ ལྷོད་ནི་བཟུམ་ཡོདཔ་ལས་ ཕོ་ལོ་རེནཚཛ་དང་ རཱོམ་གྱིས་གཙོས་པའི་ ཁྲོམ་སོགས་ ༡༠ ལུ་ ཚོས་གཞི་དམརཔོ་གི་ ཉེན་བརྡ་ཚུ་ བཀྲམ་སྤེལ་འབད་ནུག།
ཨི་ཊ་ལི་གིས་ དྲོད་ཤུགས་དེ་ལུ་ བཟོད་མ་ཚུགས་པའི་ གནས་སྟངས་ནང་ ཤི་རྐྱེན་གྱི་ ཉེན་ཁ་ཚུ་ བཀག་ཐབས་ལུ་ སྔོན་འགོག་གི་ ཐབས་ལམ་སྟོནམ་ དྲག་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: