པ་ཀིཛ་ཏཱན་གྱིས་ ཨཕ་གྷན་ལུ་ དབང་བཙོང་འབད་མི་ཚུ་ སྡོད་བཅུག་ནི་ལས་འཛེམ་དགོཔ།

ཨེན་བི་སི།
སྤྱི་ཟླ་ ༧ པའི་ཚེས་ ༡༤ ལུ་ ཨཕ་གྷ་ནིཛ་ཏཱན་དང་གཅིག་ཁར་ ས་མཚམས་སྦྱེལ་ཏེ་ཡོད་མི་ པ་ཀིཛ་ཏཱན་གྱི་མངའ་སྡེ་ བ་ལོ་ཅིཛ་ཏཱན་ལུ་ འདས་པའི་བདུན་ཕྲག་ནང་ དྲག་ཐོག་དབང་བཙོང་འབད་མི་ཚུ་གིས་ པ་ཀིཛ་ཏཱན་གྱི་ དམག་མི་ ༡༢ དམར་བསད་འབད་ནུག།
དེ་འབདཝ་ལས་ པ་ཀིཛ་ཏཱན་གྱི་དམག་སྤྱི་ ཨ་སིམ་མུ་ནིར་གྱིས་ ཨཕ་གྷ་ནིཛ་ཏཱན་གྱི་ ཏ་ལི་བཱན་གཞུང་ལུ་ གལ་སྲིད་ ཨཕ་གྷ་ནིཛ་ཏཱན་གྱིས་ དྲག་ཐོག་དབང་བཙོང་འབད་མི་ཚུ་ ཁོང་གི་རྒྱལ་ཁབ་ནང་ སྡོད་བཅུག་ཐོག་ལས་ ས་མཚམས་བདའ་སྟེ་ གནོད་པ་བཀལ་བ་ཅིན་ པ་ཀིསི་ཏཱན་གྱིས་ དོན་སྨིན་ཅན་གྱི་ གདོང་ལན་འབད་ནི་ཨིནམ་སྦེ་ སླབ་ཡོདཔ་ཨིན་པས།
ཨིན་རུང་ ཨཕ་གྷ་ནིཛ་ཏཱན་ ཏ་ལི་བཱན་གཞུང་གིས་ ལན་གསལ་ག་ནི་ཡང་མེདཔ་ད་ པ་ཀིཛ་ཏཱན་ དམག་སྤྱི་གིས་ ཨཕ་གྷན་ཏ་ལི་བཱན་གྱིས་ སྤྱི་ལོ་ ༢༠༢༠ ལུ་ ཝ་ཤིང་ཊཱོན་དང་གཅིག་ཁར་ ཆིངས་ཡིག་བཟོ་སྟེ་ཡོད་མིའི་ནང་ དྲག་ཐོག་དབང་བཙོང་གི་དོན་ལས་ ཨཕ་གྷ་ནིཛ་ཏཱན་ལུ་ སྡོད་ནི་ལས་ བཀག་དམ་འབད་ནི་ཨིན་ཟེར་མི་དེ་ལུ་ ཆ་གནས་བཞག་དགོཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: