རྒྱ་ནག་གི་ དོན་གཅོད་འགོ་དཔོན་གྱིས་ རྒྱ་གར་དང་གཅིག་ཁར་ མཐུན་ལམ་སྲ་བརྟན་བཟོ་དགོ་པའི་སྐུལ་མ།

རོའི་ཊརཛ།
སྤྱི་ཟླ་ ༧ པའི་ཚེས་ ༡༤ ལུ་ རྒྱ་ནག་དང་ རྒྱ་གར་ ༢ ཀྱི་ ས་མཚམས་ཁར་ བྱ་སྟབས་མ་བདེ་བའི་ གནད་དོན་ཚུ་གི་སྐོར་ལས་ རྒྱ་ནག་གི་ དོན་གཅོད་འགོ་དཔོན་མཐོ་ཤོས་ ཝང་ཡི་གིས་ རྒྱ་གར་གྱི་ ཕྱི་འབྲེལ་བློན་པོ་ལུ་ རྒྱལ་ཁབ་ ༢ ཀྱི་བར་ན་ ཟུང་ཕྱོགས་མཐུན་འབྲེལ་དེ་ སྲ་བརྟན་བཟོ་དགོཔ་འདུག་ཟེར་ཨིན་པས།
དེ་ཡང་ ཨིན་ཌོ་ནེ་ཤི་ཡའི་རྒྱལ་ས་ ཇ་ཀར་ཏ་ལུ་ ཤར་ལྷོ་ཨེ་ཤི་ཡ་ རྒྱལ་ཁབ་ཚོགས་པའི་ ཞལ་འཛོམས་ཅིག་ འཚོགས་པའི་བསྒང་ཡོད་མིའི་ ཕྱི་ཁར་སྦེ་ ཝང་ཡི་གིས་ རྒྱ་གར་གྱི་ ཕྱི་འབྲེལ་བློན་པོ་ སུ་བར་མ་ནི་ཡམ་ ཇའི་ཤང་ཀར་ལུ་ རྒྱལ་ཁབ་ ༢ ཀྱི་བར་ན་ གཅིག་གིས་གཅིག་ལུ་ དོགས་པ་ཆགས་ནི་མིན་པར་ རྒྱབ་སྐྱོར་འབད་དགོཔ་ཡོད་ལུགས་ཚུ་བཤད་ནུག།
མ་གཞི་ ཨེ་ཤི་ཡའི་ རྒྱལ་ཁབ་སྦོམ་ཤོས་ ༢ ཀྱིས་ ས་མཚམས་ཀྱི་ གནད་དོན་ཚུ་ག་ར་ བྱ་སྟབས་བདེ་ཏོག་ཏོ་ བཟོ་ནི་གི་ ཐབས་ལམ་ཚུ་ འཚོལ་ཞིབ་འབད་བའི་བསྒང་ར་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: