ཨི་ཇིབ་ལུ་ སྒྲིང་ཁྱིམ་ཐོག་ཚད་ ༥ འབད་མི་ཅིག་ རམ་ཡར་སོངཔ་ལས་ མི་གྲངས་ ༩ ལུ་ཤི་རྐྱེན།

ཨེ་བི་སི།

སྤྱི་ཟླ་ ༧ པའི་ཚེས་ ༡༧ ལུ་ ཨི་ཇིབ་ཀྱི་རྒྱལ་ས་ ཀའི་རོ་ལུ་ སྒྲིང་ཁྱིམ་ཐོག་ཚད་ ༥ འབད་མི་ཅིག་ རམ་ཡར་སོངཔ་ལས་ སྲོག་སྐྱབས་འབད་མི་ཚུ་གིས་ རག་རོ་ནང་ལས་ མི་རོ་ ༩ ཐོབ་ཡོདཔ་མ་ཚད་ ནདཔ་ ༤ ཡང་ སྨན་ཁང་ནང་ བསྐྱལ་ཡོདཔ་ཨིན་པས།

དེ་སྦེ་ ཤི་རྐྱེན་བྱུང་མི་ ༩ གི་ ནང་མི་བཟའ་ཚང་ཚུ་ལུ་ གཞུང་གི་ཁ་ཐུག་ལས་ ཨི་ཇིབ་ཀྱི་ཏི་རུ་ པ་འཱུན་ ༦༠,༠༠༠ འབདཝ་ད་ ཡུ་ཨེཛ་ཌོ་ལར་ ༡,༩༤༠ དེ་ཅིག་ བྱིན་པའི་གུ་ ནདཔ་བཏོན་མི་ཚུ་ལུ་ཡང་ གྲོགས་རམ་འབད་ནུག།

ག་དེ་སྦེ་ཨིན་རུང་ ད་ལྟོ་ བྱུང་རྐྱེན་དེ་གི་སྐོར་ལས་ ཧ་གོ་མ་ཚུགས་རུང་ གཞུང་གི་ཁ་ཐུག་ལས་ དབྱེ་ཞིབ་འབད་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།