རྒྱ་ནག་གིས་ ཏའི་ཝཱན་གྱི་ ཆེ་མཐོའི་དཔོན་ཁག་ཚུ་ ཡུ་ཨེཛ་རྒྱལ་ཁབ་ནང་ འགྱོ་ནི་ལས་བཀག་དམ།

རོའི་ཊརཛ།
ཝ་ཤིང་ཊཱོན་ལུ་ཡོད་མི་ རྒྱ་ནག་གཞུང་ཚབ་ཀྱིས་ བཤད་དོ་བཟུམ་འབད་བ་ཅིན་ ཏའི་ཝཱན་གྱི་ སྲིད་འཛིན་བཙག་འཐུའི་ནང་ དོ་འགྲན་འབད་ནི་ཨིན་མི་ སྲིད་འཛིན་འོགམ་ ཝི་ལི་ཡམ་ལའི་གིས་ ཡུ་ཨེཛ་རྒྱལ་ཁབ་ནང་ བལྟ་བསྐོར་ལུ་ འགྱོ་ནི་ལས་ བཀག་ཆ་འབད་མི་དེ་ རྒྱ་ནག་གི་ གཙོ་རིམ་མཐོ་ཤོས་ཨིན་པའི་ཁར་ རྒྱ་ནག་གིས་ ཉེན་བརྡ་ཚུ་ཡང་ འབད་བཞིན་དུ་ཡོད་ཟེར་ཨིན་པས།
རྒྱ་ནག་གིས་ ཏའི་ཝཱན་རྒྱལ་ཁབ་དེ་ ཁོང་གི་མངའ་ཁོངས་ལུ་སྦེ་ བརྩི་འཇོག་འབད་དོ་ཡོདཔ་ད་ འདས་པའི་ལོ་ངོ་ ༣ གྱི་ནང་ན་ ཏའི་ཝཱན་གྱིས་ གནད་དོན་དེ་ལུ་ ངོས་ལེན་འབད་དགོ་པའི་ ཨེབ་ཤུགས་ཚུ་ རྐྱབ་སྟེ་ཡོདཔ་ཨིན་རུང་ ཏའི་ཝཱན་གཞུང་གིས་ ངོས་ལེན་འབད་མ་བཏུབ་ཨིན་པས།
ཏའི་ཝཱན་ལུ་ སྤྱི་ཟླ་ ༡ པའི་ནང་ སྲིད་འཛིན་གྱི་ བཙག་འཐུ་འབད་ནི་ཨིནམ་ད་ གཞུང་སྐྱོང་སྲིད་ཚོགས་ ཌེ་མོ་ཀེར་ཊིག་ པོར་གེ་རེ་སིབ་ཟེར་མི་ སྲིད་དོན་ཚོགས་པའི་ནང་ལས་ ཝི་ལི་ཡམ་ལའི་གིས་ སྲིད་འཛིན་གྱི་ གོ་གནས་དོན་ལས་ བཙག་འཐུའི་ནང་ གྲལ་གཏོགས་འབད་ནི་ཨིན་པས།
དེ་ཡང་ བསམ་འཆར་བསྡུ་ལེན་གྱི་ གནས་སྡུད་དང་འཁྲིལཝ་ད་ ཝི་ལི་ཡམ་ལའི་དེ་ སྲིད་འཛིན་གྱི་ འདེམས་ངོ་འི་དོན་ལུ་ འོས་འབབ་སྦོམ་ཡོད་པའི་ འདེམས་ངོ་སྦེ་ བརྩི་དོ་ཡོདཔ་ཨིན་པས།
ཝི་ལི་ཡམ་ལའི་དེ་ སྤྱི་ཟླ་ ༨ པའི་ཚེས་ ༡༥ ལུ་ པ་ར་གུ་ཝའི་ སྲིད་འཛིན་གསརཔ་གི་ ཁྲི་འདོན་རྟེན་འབྲེལ་ནང་ གྲལ་གཏོགས་ཀྱི་དོན་ལས་ འགྱོ་བའི་ལམ་ཁར་ ཡུ་ཨེཛ་ལུ་ འགྱོ་ནི་སྦེ་ཡོད་མི་དེ་ལུ་ རྒྱ་ནག་གིས་ བཀག་ཆ་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: