ར་ཤི་ཡའི་ གནམ་གྲུ་ཧེ་ལི་ཀོབ་ཊར་ཅིག་ སའི་བེ་རི་ཡ་ལུ་ ཐུང་རྐྱེན་བྱུང་མིའི་ནང་ མི་ ༦ ལུ་ ཤི་རྐྱེན་དང་ ༧ ལུ་རྨ་སྐྱོན།

ཨེ་བི་སི།
སྤྱི་ཟླ་ ༧ པའི་ཚེས་ ༢༧ ལུ་ ར་ཤི་ཡའི་ས་གནས་ སའི་བེ་རི་ཡ་ཟེར་སར་ གནམ་གྲུ་ཧེ་ལི་ཀོབ་ཊར་ཅིག་ལུ་ ཐུག་རྐྱེན་བྱུང་ཡོདཔ་ལས་མཁའ་འགྲུལཔ་ ༦ ལུ་ ཤི་རྐྱེན་དང་ ༧ ལུ་ རྨ་སྐྱོན་བྱུང་ནུག།
གནམ་གྲུ་དེ་ སའི་བེ་རི་ཡའི་ ལྷོ་ཕྱོགས་ལུ་ ས་ཁར་ཆགས་པའི་སྐབས་ གློག་ཐག་ཅིག་གུ་ཐོགས་ཏེ་ མེ་འབར་ཡོདཔ་ད་ སྒེར་གྱི་གནམ་གྲུ་ ཧེ་ལི་ཀོབ་ཊར་དེ་ནང་ ལྟ་བཤལཔ་ ༡༢ དང་ གནམ་གྲུའི་ལས་བྱེདཔ་ ༣ ཡོདཔ་སྦེ་ བཤདཔ་ཨིན་པས།
གནམ་གྲུ་དེ་ སྤྱི་ལོ་ ༡༩༦༠ རེ་གྲངས་ལུ་ བཟོ་བསྐྲུན་འབད་མི་ འཕྲུལ་ཆས་གཉིས་ལྡན་གྱི་ གནམ་གྲུ་ཨིནམ་ད་ གནམ་གྲུ་དེ་ཚུ་ ཁྱབ་ཆེ་ཏོག་ཏོ་སྦེ་ ལག་ལེན་འཐབ་མི་ ར་ཤི་ཡ་དང་ ཉེ་འདབས་ཀྱི་ རྒྱལ་ཁབ་ཚུ་ནང་ དེ་བཟུམ་མའི་ གནམ་གྲུ་ཐུག་རྐྱེན་དེ་ ལེ་ཤ་ཅིག་ར་ འབྱུང་དོ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: