ཡུ་ཀེ་རེན་གྱི་ ཤར་ལྷོ་ཁ་ཐུག་ལུ་ ཡུ་ཀེ་རེན་གྱིས་ དམག་འཁྲུག་ལས་ རྒྱལ་ཁ་ཐོབ་ཡོད་པའི་གསལ་བསྒྲགས།

བི་བི་སི།
ཡུ་ཀེ་རེན་ དྲག་པོའི་དམག་སྡེ་གིས་ ཡུ་ཀེ་རེན་གྱི་ ཤར་ལྷོ་ཁ་ཐུག་ལུ་ གདོང་ཐུག་ཕྱད་མདའ་ཅིག་གི་ནང་ལས་ རྒྱལ་ཁ་ཐོབ་ཡོདཔ་སྦེ་ བཤད་ཡོདཔ་མ་ཚད་ སྲིད་འཛིན་ཟེ་ལེནཛ་ཀི་གིས་ཡང་ བརྙན་ཐུང་ཅིང་ནང་ ཡུ་ཀེ་རེན་ དམག་མི་ཚུ་གིས་ སི་ཊ་རོ་མའི་ཨོར་སི་ཀེ་ཟེར་མི་ གཡུས་ཚན་དེ་ ལོག་ཐོབ་ཡོདཔ་སྦེ་ གསལ་བཤད་འབད་ནུག།
དེ་གི་ཧེ་མ་ དམག་མི་ཚུ་གིས་ ཕྱད་མདའ་རྐྱབ་སའི་ས་སྒོ་ཚུ་ བཙན་ཐབས་འབད་དེ་ ཟ་པོ་རི་ཟི་ཡ་ ཁྲོམ་གྱི་ཤར་ཕྱོགས་ལུ་ ལྷོད་དེ་ཡོད་པའི་སྐོར་ལས་ བཤད་ཡོདཔ་ཨིན་པས།
གནད་དོན་དེ་ལུ་ ར་ཤི་ཡའི་སྲིད་འཛིན་ ཝེལ་ཌི་མིར་ པུ་ཊིན་གྱིས་ ཡུ་ཀེ་རེན་གྱིས་ དམག་འཁྲུག་དེ་ལུ་ གདོང་ལེན་སྦོམ་སྦེ་ར་ འབད་དོ་ཟེར་བཤད་ཡོད་རུང་ ར་ཤི་ཡའི་ དམག་མི་ཚུ་གིས་ ཡུ་ཀེ་རེན་གྱི་ དམག་མི་ཚུ་ བཀག་ཆའི་ཐོག་ལུ་ ཤི་རྐྱེན་དང་ རྨ་སྐྱོན་ལེ་ཤ་ཅིག་ བཏོན་པའི་སྒོ་ལས་ ལོག་བཏང་ཡི་ཟེར་ཨིན་པས།
ར་ཤི་ཡ་གིས་ རྒྱབ་སྐྱོར་འབད་དེ་ཡོད་མི་ ཞི་བའི་དམག་སྡེའི་འགོ་ཁྲིདཔ་ ཨ་ལེག་སཱན་ཌར་ ཁོ་ད་ཀོབ་སི་ཀི་གིས་ ཡུ་ཀེ་རེན་གྱི་ དམག་མི་ཚུ་གིས་ ཉིན་གྲངས་དག་པ་ཅིག་གི་རིང་ལུ་ མི་ཛ་ཡེལ་ཚུ་ རིམ་པ་བཞིན་དུ་ འཕངས་པའི་ཤུལ་ལས་ སི་ཊ་རོ་མའི་ཨོར་སི་ཀེ་ གཡུས་ཚན་གྱི་ མཐའ་འཁོར་ག་ར་ ཁོང་གི་འོག་ལུ་ བཙུགས་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: