དགེ་ལེགས་ཕུག་ལས་ ཕོ་སྐྱེས་ཅིག་ སྨྱོ་རྫས་དང་སྦྲགས་ཏེ་འཛིན་བཟུང་།

སྤྱི་ཟླ་ ༨ པའི་ཚེས་ ༡༢ ལུ་ རྒྱལ་གཞུང་འབྲུག་གི་འགག་སྡེ་གིས་ དགེ་ལེགས་ཕུག་ གསེར་གཞོང་ཞིབ་དཔྱོད་སྒོ་ར་ལས་ སྐྱེས་ལོ་ ༢༥ འབད་མི་ ཕོ་སྐྱེས་ཅིག་ ཨེཛ་པི་པཱ་ལཱཛ་ཟེར་མི་ སྨྱོ་རྫས་དང་སྦྲགས་ཏེ་ འཛིན་བཟུང་འབད་ནུག།

དེ་བསྒང་ དོགས་པ་ཅན་ ཕོ་སྐྱེས་དེ་ བཀག་དམ་ཅན་གྱི་ སྨྱོ་རྫས་འབག་སྟེ་ དགེ་ལེགས་ཕུག་ལས་ ཀྲོང་གསར་ལུ་ གླ་འཁོར་ཅིག་ནང་ འགྲུལ་སྐྱོད་འབད་བའི་བསྒང་ཨིན་པས།

དེ་ཡང་ ཕུན་ཚོགས་གླིང་ རྒྱལ་གཞུང་འབྲུག་གི་སྡེ་གིས་ བརྡ་ལན་འབད་ཐོག་ལས་ འཛིན་བཟུང་འབད་ཡོདཔ་ད་ དེ་བཟུམ་མའི་ སྨྱོ་རྫས་ཚུ་ཡང་ ས་མཚམས་ཀྱི་ ཕྱི་ཁ་ལས་ འབག་འོངམ་ཨིན་པས་ཟེར་ རྒྱལ་གཞུང་འབྲུག་གི་འགག་སྡེའི་ ཕེཛ་བུག་ནང་ བཀོད་འདུག་པའི་གནས་ཚུལ།