བྱང་ཀོ་རི་ཡ་གིས་ ཡུ་ཨེཛ་དང་ ལྷོ་ཀོ་རི་ཡ་ རྒྱ་པཱན་རྒྱལ་ཁབ་ཚུ་གི་ དབུ་ཁྲིད་ཞལ་འཛོམས་ཀྱི་ཧེ་མར་ མི་ཛ་ཡེལ་བརྟག་དཔྱད།

ཨེན་ཌི་ཊི་ཝི།
སྤྱི་ཟླ་ ༨ པའི་ཚེས་ ༡༨ ལུ་ ལྷོ་ཀོ་རི་ཡའི་ གསང་ཞིབ་ལས་སྡེ་གིས་ བཤད་དོ་བཟུམ་འབད་བ་ཅིན་ ཡུ་ཨེཛ་དང་ རྒྱ་པཱན་ ལྷོ་ཀོ་རི་ཡ་ རྒྱལ་ཁབ་ ༣ གྱི་ དབུ་ཁྲིད་ཞལ་འཛོམས་དང་ དུས་མཉམ་ཐོག་ལུ་ བྱང་ཀོ་རི་ཡ་གིས་ མགྱོགས་ཤུགས་ཅན་གྱི་ མི་ཛ་ཡེལ་ བརྟག་དཔྱད་འབད་ནི་ལུ་ གྲ་སྒྲིག་འབད་དོ་ཡོད་པའི་ ཡིད་ཆེས་ཡོད་ཟེར་ཨིན་པས།
དེ་ཡང་ རྒྱལ་ཁབ་ ༣ གྱི་བར་ན་ གསུང་གྲོས་གནངམ་ད་ བྱང་ཀོ་རི་ཡ་ལུ་ མཚོན་ཆའི་ལས་རིམ་སྐོར་གྱི་ གསུང་གྲོས་ལུ་ དྲག་ཐོག་རྒྱབ་འགལ་གྱི་ འགྲེམ་སྟོན་འབད་ཐབས་ལུ་ འོང་ནི་ཨིན་པའི་ དོགས་པ་ཡོད་ཟེར་ཨིན་པས།
དེ་མིན་རུང་ སྤྱི་ཟླ་ ༨ པའི་ཚེས་ ༢༡ ལུ་ འགོ་བཙུགས་ནི་ཨིན་མི་ ཡུ་ཨེཛ་དང་ ལྷོ་ཀོ་རི་ཡ་ ༢ མཉམ་འབྲེལ་ཐོག་ལས་ ཟླ་ངོ་ ༡ གི་རིང་ལུ་ དྲག་པོའི་དམག་སྦྱོང་ཚུ་ ལག་ལེན་འཐབ་ནི་སྦེ་ཡོད་མིའི་ རྒྱབ་འགལ་ལུ་ཡང་ འོང་སྲིད་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: