ནེ་དར་ལེནཛ་དང་ ཌེན་མཱག་རྒྱལ་ཁབ་ ༢ ཀྱིས་ ཡུ་ཀེ་རེན་ལུ་ མཁའ་དམག་གནམ་གྲུ་བྱིན་ནི།

ཨེ་བི་སི།
སྤྱི་ཟླ་ ༨ པའི་ཚེས་ ༡༩ ལུ་ ཡུ་ཨེཛ་གིས་ ནེ་དར་ལེནཛ་དང་ ཌེན་མཱག་གིས་ མཁའ་དམག་གནམ་གྲུ་ ཨེཕ་-༡༦ ཟེར་མི་ཚུ་ ཡུ་ཀེ་རེན་ལུ་ བྱིན་ཆོག་པའི་ གནང་བ་བྱིན་ནུག།
དེ་འབདཝ་ད་ མཁའ་དམག་གནམ་གྲུ་དེ་ཚུ་ ལག་ལེན་འཐབ་མི་ མཁའ་དམག་སྡེ་ཚན་ལུ་ སྦྱོང་བརྡར་བྱིན་ནི་དེ་ ལོ་ངོ་ ༥ ཚུན་ འགོར་ནི་ཨིནམ་ལས་ འཕྲལ་ཐོག་ལུ་ ཡུ་ཀེ་རེན་དང་ ར་ཤི་ཡའི་ ཕྱད་མདའ་ལུ་ ཁྱད་པར་ཅིག་ བཟོ་མི་ཚུགསཔ་འོང་ཟེར་ཨིན་པས།
དེ་མ་ཚད་ གནམ་གྲུ་ཨེཕ་-༡༦ ཟེར་མི་ཚུ་ ཡུ་ཀེ་རེན་ལུ་ ནམ་བསྐྱལ་ནི་ཨིན་པའི་སྐོར་ལས་ ཁ་གསལ་ཅིག་མེདཔ་ད་ ཡུ་ཀེ་རེན་གྱི་ གནམ་གྲུའི་དེད་དཔོན་ཚུ་ལུ་ དམའ་ཤོས་ར་ ཟླཝ་ ༦ རེའི་ སྦྱོང་བརྡར་ཚུ་ བྱིན་ནི་ཨིནམ་སྦེ་བཀོད་ནུག།
ཡུ་ཨེཛ་གིས་ ད་རེས་ གནམ་གྲུ་ཨེཕ་-༡༦ ཟེར་མི་ཚུ་ ཡུ་ཀེ་རེན་ལུ་ བྱིན་ནི་སྦེ་ ཐག་བཅད་མི་དེ་ཡང་ ཡུ་ཀེ་རེན་གྱི་ གནམ་གྲུའི་དེད་དཔོན་ཚུ་གི་ སྦྱོང་བརྡར་མཇུག་བསྡུ་ནི་དང་གཅིག་ཁར་ གནམ་གྲུ་ཚུ་ རྩིས་སྤྲོད་འབད་ནི་ཡོདཔ་ ངེས་གཏན་བཟོ་ཐབས་ལུ་ཨིནམ་སྦེ་ བཤད་ཡོད་པའི་སྐོར་ལས་ བཀོད་འདུག་པའི་གནས་ཚུལ།

Please follow and like us: