གསར་སྤང་ལུ་ གླངམོ་ཆེ་གིས་ ཕོ་སྐྱེས་ཅིག་ དམར་བསད་འབད་ཡོདཔ།

སྤྱི་ཟླ་ ༨ པའི་ཚེས་ ༡༩ གི་དྲོ་པ་ གསར་སྦང་རྫོང་ཁག་ བསམ་གཏན་གླིང་རྒེད་འོག་ གཡུས་བསམ་གཏན་ཐང་ལུ་ གླངམོ་ཆེ་ཅིག་གིས་ སྐྱེས་ལོ་ ༣༣ འབད་མི་ ཕོ་སྐྱེས་ཅིག་བསད་ནུག།
དེ་ཡང་ དྲོ་པའི་ཆུ་ཚོད་ ༥.༣༠ དེ་ཅིག་ཁར་ མི་དེ་ ཁོ་རའི་ཨ་རོགས་དགའ་རོགས་ཀྱི་ཁྱིམ་ནང་ ཞག་ཉལ་སྡོད་དེ་ འགྲོ་ལུང་དགོན་པ་ལུ་ ཁོ་རའི་ཁྱིམ་ནང་ ལོག་པའི་སྐབས་ལུ་ གླངམོ་ཆེ་དང་ ཕྱད་ཡོདཔ་ད་ དགའ་རོགས་ཀྱི་ཁྱིམ་དེ་ འགྲོ་ལུང་དགོན་པ་ལས་ ཀི་ལོ་མི་ཊར་ཕྱེད་དེ་ཅིག་གི་ ས་ཁར་ཡོདཔ་ཨིན་པས།
བསམ་གཏན་གླིང་ལུ་ ཨྱོན་མདོ་སྔགས་བཤད་སྒྲུབ་དར་རྒྱས་གླིང་ དགེ་སློང་ཚུ་གི་ སློབ་དཔོན་སྦེ་ ཕྱག་ཞུ་མི་ དགེ་སློང་དེ་ ཀྲོང་གསར་ལས་ཨིན་པས།
ཚེ་འདས་ཀྱི་ ཕུངམོ་དེ་ཡང་ རྒྱལ་གཞུང་འབྲུག་གི་འགག་སྡེ་དང་ ནགས་ཚལ་ལས་ཚན་ དེ་ལས་ གསོ་བའི་འགོ་དཔོན་ཚུ་གིས་ ཞིབ་དཔྱད་འབད་བའི་ཤུལ་ལས་ དགོན་པ་ལུ་བསྐྱལ་ནུག།
སྤྱི་ལོ་ ༢༠༢༣ ལོར་ གསར་སྤང་རྫོང་ཁག་ལུ་ དེ་བཟུམ་མའི་ རྐྱེན་ངན་བྱུང་མི་དེ་ ཐེངས་དངཔ་ཨིནམ་ད་ གླངམོ་ཆེ་དེ་ གནམ་གྲུའི་ཐང་ཁ་ཐུག་ལུ་ འགྱོ་སར་མཐོང་ཡོད་པའི་གནས་ཚུལ།

Please follow and like us: