ཡུ་ཨེཛ་གིས་ གོ་མཚོན་བཙོང་ཆོག་པའི་ གནང་བ་བྱིན་པའི་ཤུལ་ལས་ རྒྱ་ནག་གིས་ ཏ་ཡེ་ཝཱན་ལུ་གནམ་གྲུ་དང་ གྲུ་ཟིང་ཚུ་བཏང་ཡོདཔ།

ཨེ་བི་སི།
སྤྱི་ཟླ་ ༨ པའི་ཚེས་ ༢༦ ལུ་ ཏ་ཡེ་ཝཱན་གྱི་ སྲུང་སྐྱོབ་ལྷན་ཁག་ལས་ བཤད་དོ་བཟུམ་འབད་བ་ཅིན་ ཡུ་ཨེཛ་གིས་ ཁོང་ལུ་ ཌོ་ལར་ས་ཡ་ ༥༠༠ གནས་མི་ གོ་མཚོན་བཙོང་ཆོག་པའི་ གནང་བ་གྲོལ་ཏེ་ ཉིན་གྲངས་དག་པ་ཅིག་གི་ ནང་འཁོད་ལུ་ར་ རྒྱ་ནག་གིས་ མཁའ་དམག་གནམ་གྲུ་ ༣༢ དང་ མཚོ་དམག་གྲུ་ཟིང་ ༩ ཏ་ཡེ་ཝཱན་ལུ་ བཏང་ནུག་ཟེར་ཨིན་པས།
དེ་བསྒང་ མཁའ་དམག་གནམ་གྲུ་ ༢༠ གིས་ ཏ་ཡེ་ཝཱན་གྱི་ མཁའ་དབྱིངས་ནང་ བཙན་འཛུལ་འབད་ཡོདཔ་ད་ ཏ་ཡེ་ཝཱན་གྱི་ ཁ་ཐུག་ལས་ སྲུང་སྐྱོབ་དམག་སྡེ་ལུ་ མཁའ་དམག་གནམ་གྲུ་དང་ མཚོ་དམག་གྲུ་ཟིང་ དེ་ལས་ མི་ཛ་ཡེལ་ཚུ་གི་སྒོ་ལས་ གདོང་ལན་འབད་དགོ་པའི་ འགན་ཁུར་བཀལ་ནུག།
དེ་ཡང་ ཏ་ཡེ་ཝཱན་གྱི་ སྲིད་འཛིན་འོགམ་དེ་ པ་ར་གུ་ཝེ་ལུ་ གཞུང་འབྲེད་གཟིགས་གནང་པར་ བྱོན་པའི་ཞོར་ཁར་ ཡུ་ཨེཛ་ལུ་ ཐོན་ཡོདཔ་བཞིན་དུ་ ཡུ་ཨེཛ་གཞུང་གིས་ མཁའ་དམག་གནམ་གྲུ་ ཨེཕ་-༡༦ ཟེར་མི་ཚུ་གི་དོན་ལུ་ ཤུལ་འཚོལ་རིམ་ལུགས་ཀྱི་ འཕྲུལ་ཆས་དང་ ལག་ཆ་ཚུ་ བཙོང་ནི་གི་ གནང་བ་གྲོལ་ནུག་ཟེར་ བཀོད་འདུག་པའི་གནས་ཚུལ།

Please follow and like us: