ཝེཊ་ནཱམ་གྱི་ གླར་སྤྱོད་ཁང་ཚན་ཡོད་མི་ སྒྲིང་ཁྱིམ་ཅིག་ལུ་ མེ་རྐྱེན་བྱུང་པའི་ རྐྱེན་ངན་ནང་ མི་གྲངས་ ༥༦ དེ་ཅིག་ལུ་ཤི་རྐྱེན།

ཨེན་ཌི་ཊི་ཝི།
སྤྱི་ཟླ་ ༩ པའི་ཚེས་ ༡༣ ལུ་ ཝེཊ་ནཱམ་གྱི་རྒྱལ་ས་ ཧ་ནོའི་ལུ་ གླར་སྤྱོད་ཁང་ཚན་ཡོད་མི་ སྒྲིང་ཁྱིམ་ཅིག་ལུ་ མེ་རྐྱེན་བྱུང་ཡོདཔ་ལས་ མི་གྲངས་ ༥༦ དེ་ཅིག་ལུ་ ཤི་རྐྱེན་དང་ ༣༧ ལུ་ རྨ་རྐྱེན་བྱུང་ཡོདཔ་ཨིན་པས།
དེ་སྦེ་ ཤི་རྐྱེན་བྱུང་མིའི་གྲས་ཁར་ ཨ་ལོ་ཆུང་ཀུ་ ༣ ཡོདཔ་ད་ སྒྲིང་ཁྱིམ་གྱི་ ཇོ་བདག་དེ་ མེ་རྐྱེན་ཉེན་སྲུང་གི་ བཅའ་ཡིག་ཚུ་ལུ་ ཆ་གནས་མ་འབད་བའི་ ཉེས་འཛུགས་ཐོག་ལུ་ ཁྲིམས་སྲུང་འགག་སྡེ་གིས་ འཛིན་བཟུང་འབད་ནུག།
སྒྲིང་ཁྱིམ་དེ་ཡང་ གློ་བུར་གྱི་ གནས་སྟངས་ནང་ ཕྱི་ཁར་ཐོན་འགྱོ་སའི་ ལམ་མེདཔ་ལས་ སྒྲིང་ཁྱིམ་དེ་ནང་ སྡོད་མི་ཚུ་ མེ་རྐྱེན་ལས་ འབྱོག་མ་ཐལཝ་ཨིན་པས།
མ་གཞི་ མེ་དེ་ བསད་ཚུགས་ཡོད་རུང་ སྒྲིང་ཁྱིམ་དེ་གི་ སྟེང་སྒོ་ཚུ་ ལྕགས་ཀྱི་རྭ་བ་བསྒོར་ཏེ་ འཐོན་འཛུལ་འབད་སའི་ སྒོ་ཕུད་རྡོག་ ༡ ལས་ མེད་ནི་དེ་གིས་ སྲོག་སྐྱབས་ཀྱི་ ལཱ་འབད་་མི་ཚུ་ དེ་འཕྲལ་ལས་ ཁང་ཚན་ཚུ་ནང་ འཛུལ་མ་ཚུགས་པའི་ དཀའ་ངལ་བྱུང་ནུག།
མེ་དེ་ཡང་ སྒྲིང་ཁྱིམ་གྱི་ འོག་ལུ་ཡོད་མི་ སྣུམ་འཁོར་བཞག་ས་ལས་ འབར་ཡོདཔ་ད་ འཁོར་ལོ་ ༢ འབད་མི་ སྣུམ་འཁོར་ཚུ་ཡང་ག་ར་ འཚིགས་ཡོདཔ་ཨིན་པས།
མི་གྲངས་ ༡༥༠ དེ་ཅིག་སྡོད་མི་ སྒྲིང་ཁྱིམ་དེ་ནང་ མེ་རྐྱེན་བྱུང་པའི་སྐབས་ལུ་ མི་ལ་ལོ་ཅིག་གིས་ སྟེང་སྒོ་ལས་ ཁང་ཚན་གཞན་ཁར་ མཆོངས་པ་ལུ་བརྟེན་ཏེ་ རྐང་ལག་ཚུ་ཡང་ ཆག་ཡོདཔ་ད་ མེ་རྐྱེན་བྱུང་སྟེ་ དུས་ཡུན་ཆུ་ཚོད་ ༥ གི་རིང་ལུ་ མེ་བསད་མི་དང་ ཆ་རོགས་འབད་མི་ཚུ་ ག་ཡང་མེད་པར་ ལུས་སོང་ནུག་ཟེར་ བཀོད་འདུག་པའི་གནས་ཚུལ།

Please follow and like us: