མཐའ་ཡས་ལེན་གྱི་ ལྡོག་ཕྱོགས་སྲིད་ཚོགས་ མུབ་ཕོར་ཝཱཌ་གི་ གཙོ་འཛིན་དེ་ དགོངས་ཞུ་འབད་ནི།

ཨེ་བི་སི།
སྤྱི་ཟླ་ ༥ པའི་ནང་ འགོ་འདྲེན་འཐབ་མི་ མཐའ་ཡས་ལེན་གྱི་ རྒྱལ་ཡོངས་བཙག་འཐུའི་ནང་ ཨང་དང་པ་ ཐོན་ཡོད་རུང་ སྤྱི་ཚོགས་ནང་ལས་ གཞུང་སྐྱོང་གི་ དབང་ཚད་མ་བྱིན་པར་ ལྡོག་ཕྱོགས་ཀྱི་ གནས་རིམ་ནང་བཞག་མི་ མུབ་ཕོར་ཝཱཌ་སྲིད་ཚོགས་ཀྱི་ གཙོ་འཛིན་དེ་ དགོངས་ཞུ་འབད་ནི་ཨིན་པའི་ གསལ་བསྒྲགས་འབད་ནུག།
དེ་ཡང་ མཐའ་ཡས་ལེན་གྱི་ རྩ་ཁྲིམས་ཆེན་མོ་དང་འཁྲིལཝ་ད་ ལྡོག་ཕྱོགས་འགོ་ཁྲིདཔ་དེ་ བཙག་འཐུ་ལས་གྲུབ་མི་ སྲིད་ཚོགས་ཀྱི་འགོ་ཁྲིདཔ་ ཁྲིམས་བཟོ་མི་ཅིག་ དགོ་ཟེར་ཡོདཔ་ད་ མུབ་ཕོར་ཝརཌ་གི་གཙོ་འཛིན་ སྐྱེས་ལོ་ ༤༣ འབད་མི་ པི་ཏ་ལིམ་ཇ་རོ་ཨེན་རཱཏ་དེ་ བཙག་འཐུའི་བཅའ་ཁྲིམས་ལས་འགལ་བའི་ ཉེས་འཛུགས་ཐོག་ལུ་ ད་རེས་ ཁྲིམས་ཁང་གིས་ གནས་སྐབས་ཅིག་ དགོངས་ཕོག་བཏོན་ཡོདཔ་ཨིན་པས།
དེ་སྦེ་ དགོངས་ཞུ་འབད་ནི་གི་ སེམས་ཐག་བཅད་མི་དེ་ཡང་ ཁྲིམས་ཁང་གི་ བཀའ་རྒྱ་ལུ་ གནས་དགོ་ནི་དེ་གིས་ཨིན་ཟེར་ བཀོད་ཡོད་རུང་ འགོ་ཁྲིདཔ་གསརཔ་ གདམ་འཐུའི་སྐོར་ལས་ ག་ནི་ཡང་ མ་བཀོད་པར་ཡོདཔ་ད་ སྲིད་ཚོགས་ཀྱི་ ཤུལ་མའི་ཞལ་འཛོམས་དེ་ སྤྱི་ཟླ་ ༩ པའི་ཚེས་ ༢༤ ལུ་ འཚོགས་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: