སྐྱབས་རྗེ་རིན་པོ་ཆེ་མཆོག་གིས་ དགེ་མདུནམ་རྒན་ཤོས་ཚུ་གི་དོན་ལས་ དགོངས་ཞུའི་ཟུར་ཕོགས་ཀྱི་ ལས་འཆར་འགོ་འབྱེད།

གནམ་ལོ་ཆུ་ཡོས་ཟླཝ་ ༨ པའི་ཚེས་ ༡ སྤྱི་ཟླ་ ༩ པའི་ ཚེས་ ༡༥ ལུ་ སྐྱབས་རྗེ་རིན་པོ་ཆེ་ སྤྲུལ་སྐུ་འཇིགས་མེད་ཆོས་གྲགས་མཆོག་གིས་ གཞུང་གྲྭ་ཚང་གི་ མངའ་འོག་ལུ་ཡོད་མི་ དགེ་སློང་དང་ ཨ་ཎེམོ་ཚུ་གི་དོན་ལས་ དགོངས་ཞུའི་ཟུར་ཕོགས་ཀྱི་ ལས་འཆར་གཞི་བཙུགས་ཀྱི་ འགོ་འབྱེད་རྟེན་འབྲེལ་ མཛད་གནང་ནུག།
ལས་འཆར་དེ་ལུ་ སྐྱབས་རྗེ་རིན་པོ་ཆེ་མཆོག་གིས་ གཏན་རྩའི་མ་དངུལ་སྦེ་ ས་ཡ་ ༡༠ གནང་ཡོདཔ་མ་ཚད་ ལམ་ལུགས་འདི་ཡང་ འཛམ་གླིང་སྤྱི་ཚོགས་ ཨ་ལོའི་མ་དངུལ་གྱི་ ཡིག་ཚང་ལས་ རྒྱབ་སྐྱོར་ཐོག་ལུ་ གཞུང་གྲྭ་ཚང་དང་ གྲྭ་ཚང་ལྷན་ཚོགས་ ༢ ཀྱིས་ གཞི་བཙུགས་འབད་ཡོདཔ་ཨིན་པས།
དེ་བཟུམ་མའི་ ལས་འཆལ་གཞི་བཙུགས་འབད་མི་དེ་གིས་ དགེ་སློང་དང་ ཨ་ཎེམོ་ཚུ་གི་ འཚོ་བའི་གནས་སྟངས་ ཡར་དྲགས་གཏང་ནི་ལུ་ ཕན་ཐོགས་སྦོམ་སྦེ་ར་ འབྱུང་ནི་ཨིན་པས་ཟེར་ གཞུང་གྲྭ་ཚང་གི་ ཕེཛ་བུ་ནང་ བཀོད་འདུག་པའི་གནས་ཚུལ།

Please follow and like us: