ཨི་རཱག་ལུ་ གཉེན་སྦྱོར་རྟེན་འབྲེལ་ནང་ མེ་རྐྱེན་བྱུང་སྟེ་ མི་གྲངས་ ༡༠༠ དེ་ཅིག་ལུ་ཤི་རྐྱེན།

སི་ཨེན་ཨེན།
སྤྱི་ཟླ་ ༩ པའི་ཚེས་ ༢༧ ལུ་ ཨི༌རཱག་གི་ བྱང་ཕྱོགས་ས་གནས་ ཀ་ར་ཀོཤ་ལུ་ གཉེན་སྦྱོར་རྟེན་འབྲེལ་གྱི་ སྤྲོ་སྟོན་ཁང་ནང་ མེ་རྐྱེན་ཤོརཝ་ལས་ མི་གྲངས་ ༡༠༠ དེ་ཅིག་ལུ་ ཤི་རྐྱེན་དང་ ༡༥༠ དེ་ཅིག་ལུ་ རྨ་རྐྱེན་བྱུང་ནུག།
ཨི་རཱག་གི་ ནང་སྲིད་བློན་པོ་ ཨབ་དཱུལ་ཨ་མིར་ ཨཱལ་ཤ་མ་རི་གིས་ བཤད་དོ་བཟུམ་འབད་བ་ཅིན་ སྤྲོ་སྟོན་ཁང་དེ་ནང་ ཚད་གཞི་དང་ལྡན་པའི་ ཉེན་སྲུང་ཚུ་མེདཔ་ལས་ མེ་འབར་ཤོག་བམ་ཚུ་ ལག་ལེན་འཐབ་པའི་སྐབས་ལུ་ གནམ་སྤང་ཚུ་བུད་དེ་ མི་ལུ་ཕོག་ཡོདཔ་ལས་ ཉེས་ཆད་ཚུ་ བཀལ་འོང་ཨིན་པས།
མེ་རྐྱེན་དེ་དང་ འབྲེལ་བ་ཡོད་མི་ མི་གྲངས་ ༡༤ དེ་ཅིག་ འཛིན་བཟུང་འབད་ཡོདཔ་ད་ སྤྲོ་སྟོན་ཁང་ནང་ མེ་རྐྱེན་བྱུང་པའི་སྐབས་ལུ་ མགྱོནམོ་ ༡,༣༠༠ དེ་ཅིག་ཡོདཔ་སྦེ་བཀོད་ནུག།
དེ་བསྒང་ གཉེན་སྦྱོར་འབད་མི་ ཕོ་མོ་ ༢ ལུ་ཡང་ རྨ་སྐྱོན་ཚུ་ བྱུང་ཡོདཔ་ལས་ སྨན་ཁང་ནང་ སྨན་བཅོས་འབད་དོ་ཡོདཔ་ད་ རྨ་སྐྱོན་བྱུང་མི་ གཞན་ཚུ་ཡང་ ཉེ་འདབས་ཀྱི་ སྨན་ཁང་ཚུ་ནང་ བསྐྱལ་ནུག་ཟེར་ བཀོད་འདུག་པའི་གནས་ཚུལ།

Please follow and like us: