རྒྱ་ནག་གིས་ ཏ་ཡེ་ཝཱན་རྐྱངམ་གཅིག་ལུ་མིན་པར་ ནུབ་ཕྱོགས་རྒྱལ་ཁབ་ཚུ་ལུ་ཡང་ ཉེན་ཁ་ཡོདཔ།

ཨཱལ་ཇ་ཟི་ར།
རྒྱ་ནག་གི་ ཀ་མུས་ནིཛ་ སྲིད་ཚོགས་ཀྱིས་ ཏ་ཡེ་ཝཱན་དེ་ རྒྱ་ནག་གི་འོག་ལུ་ བཙུགས་ནི་གི་ ཁས་ལེན་ཐོག་ལས་ མཁའ་དམག་གནམ་གྲུ་དང་ མཚོ་གྲུ་ཚུ་ མང་སུ་བཙུགས་ཏེ་ འཕྲལ་འཕྲལ་ར་ དམག་སྦྱོང་ཚུ་འབདཝ་ཨིན་པས།
དེ་ཡང་ རྒྱ་ནག་གི་སྲིད་འཛིན་ ཛི་ཇིན་པིང་གིས་ ས་གནས་ནཱན་ཇིང་ལུ་ཡོད་མི་ ལུང་ཕྱོགས་དམག་སྡེའི་ནང་ གཟིགས་སྐོར་གནངམ་ད་ དམག་སྡེ་ཚུ་ལུ་ ཕྱད་མདའ་རྐྱབ་ནིའི་དོན་ལས་ བློ་སྟོབས་དང་ ལྕོགས་གྲུབ་ཚུ་དགོ་ཟེར་གསུངས་ནུག།
རྒྱ་ནག་གི་ ཁ་ཐུག་ལས་ ཏ་ཡེ་ཝཱན་དེ་ ཁོང་གི་བྱང་ཕྱད་ ཉག་གཅིག་སྦེ་མིན་པར་ འཛམ་གླིང་ནུབ་ཕྱོགས་ཀྱི་ རྒྱལ་ཁབ་ཚུ་ཡང་ བལྟ་ཞིབ་ཐོག་ལུ་ཡོད་ཟེར་ཨིནམ་ད་ ཏའེ་ཝཱན་གྱི་ རྒྱལ་ཡོངས་སྲུང་སྐྱོབ་ ཞིབ་འཚོལ་ལས་ཁང་གི་ ཞིབ་འཚོལ་མཁས་མཆོག་ཅིག་གིས་ རྒྱ་ནག་གིས་ འཛམ་གླིང་ནུབ་ཕྱོགས་དང་གཅིག་ཁར་ཡང་ ཕྱད་མདའ་རྐྱབ་ནིའི་དོན་ལས་ གྲ་སྒྲིག་ཐོག་ལུ་ སྡོད་གོཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: