སྐྱབས་རྗེ་རིན་པོ་ཆེ་མཆོག་གིས་ ཤར་བདེ་ཆེན་གླིང་ གདན་སའི་ལྷ་ཁང་ལུ་ བཀྲ་ཤིས་རབ་གནས།

རང་ཟླ་ ༩ པའི་ཚེས་ ༨ སྤྱི་ཟླ་ ༡༠ པའི་ཚེས་ ༢༢ ལུ་ སྐྱབས་རྗེ་རིན་པོ་ཆེ་མཆོག་གིས་ ཤར་བདེ་ཆེན་གླིང་གདན་སའི་ ལྷ་ཁང་གསརཔ་ལུ་ བཀྲིས་རབ་གནས་ མཛད་གནང་ནུག།
ལྷ་ཁང་དེ་ སྐྱབས་རྗེ་ཞིང་གཤེགས་ རྗེ་བཙུན་བསྟན་འཛིན་དོན་གྲུབ་མཆོག་གི་ དགོངས་གཏེར་ལས་འཁྲུངས་པའི་ ལྷ་ཁང་ཅིག་ཨིནམ་ད་ དེ་ཡང་ སྤྱི་ལོ་ ༢༠༡༩ ལས་ འགོ་བཙུགས་ཏེ་ བཞེངས་ཡོདཔ་ཨིན་པས།
སྐྱབས་རྗེ་ཞིང་གཤེགས་མཆོག་གིས་ ང་བཅས་རའི་ དཔལ་ལྡན་འབྲུག་པའི་ བསྟན་པ་འདི་ ཁོ་རའི་ཕ་ཡུལ་ལུ་ ཁྱིམ་རྩ་བོ་བརྒྱ་ལྷགཔ་ཅིག་ཡོད་སར་ཡང་ གནམ་མེད་ས་མེད་ གལ་ཆེཝ་སྦེ་གཟིགས་ཏེ་ ལྷ་ཁང་ཅིག་ བཞེངས་ནི་གི་ ཐུགས་བཞེད་གནང་ཡོད་རུང་ རྗེ་མཁན་པོའི་ཁྲི་ཐོག་ཁར་ བྱོན་ཞིནམ་ལས་ཚུར་ རྒྱལ་ཁབ་དང་ ཆོས་ཀྱི་བསྟན་འཛིན་གྱི་ མཐའ་དོན་ལུ་ བཞུགས་དགོཔ་བྱུངམ་ལས་ ཕ་ཡུལ་ལུ་ ག་ནི་ཡང་ གནང་མ་ཚུགས་པར་ ལུས་སོང་ནུག་ཟེར་ གཞུང་གྲྭ་ཚང་གི་ ཕེཛ་བུག་ནང་བཀོད་ནུག།
དེ་འབདཝ་ལས་ མཁན་པོ་དཔལ་འབྱོར་གྱིས་ སྐྱབས་རྗེ་ཞིང་གཤེགས་མཆོག་གི་ དགོངས་བཞེད་གྲུབ་ཐབས་ལུ་ ཁས་བླངས་ཕུལ་ཏེ་ ཟད་འགྲོ་ཡོངས་བསྡོམས་ དངུལ་ཀྲམ་ས་ཡ་ ༤༠ དེ་ཅིག་ བཏང་ཐོག་ལས་ ལེགས་ཤོམ་སྦེ་ བསྒྲུབས་ཡོད་པའི་གནས་ཚུལ།

Please follow and like us: