ལ་ཡ་ལུ་ ལོ་བསྟར་ས་ཁ་མཐོ་སའི་ རྒྱལ་འཛིན་དུས་སྟོན་ ཐེངས་ ༦ པ་བརྩི་སྲུང་།

སྤྱི་ཟླ་ ༡༠ པའི་ཚེས་ ༢༣ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་སྲས་ འཇིགས་མེད་རྣམ་རྒྱལ་མཆོག་ ལ་ཡ་ལུ་ ལོ་བསྟར་ས་ཁ་མཐོ་སའི་ རྒྱལ་འཛིན་དུས་སྟོན་ ཐེངས་ ༦ པའི་ནང་ ཆིབས་བསྐྱོད་གནང་ནུག།
ཉིན་གྲངས་ ༢ ཀྱི་ དུས་སྟོན་དེ་ཡང་ སྤྱི་ཟླ་ ༡༠ པའི་ཚེས་ ༢༣ དང་ ༢༤ ལུ་ འགོ་འདྲེན་འཐབ་ཡོདཔ་ད་ དེ་བཟུམ་མའི་ དུས་སྟོན་འགོ་འདྲེན་འཐབ་མི་དེ་ འབྲུག་གི་ས་ཁ་མཐོ་སར་སྡོད་མི་ མི་སྡེ་ཚུ་གི་ ཁྱད་ཆོས་དང་ ལམ་སྲོལ་ཚུ་ འགྲེམ་སྟོན་འབད་ཐབས་ལུ་ཨིན་པས།
དུས་སྟོན་དེ་ སྤྱི་ལོ་ ༢༠༡༦ ལས་ འགོ་བཟུང་སྟེ་ ལོ་བསྟར་བཞིན་དུ་ འགོ་འདྲེན་འཐབ་དོ་ཡོདཔ་ད་ དུས་སྟོན་དེ་ནང་ སྒོ་ནོར་སེམས་ཅན་གྱི་ བང་རྒྱུགས་དང་ གླུ་གར་ རྩེད་རིགས་ལ་སོགས་པའི་ སྤྲོ་སྟོན་ལས་རིམ་ཚུ་གིས་གཙོས་པའི་ ས་ཁ་མཐོ་སའི་ འཐོན་སྐྱེད་ཚུ་ཡང་ འགྲེམ་སྟོན་འབདཝ་ལས་ རྒྱལ་ཁབ་ནང་འཁོད་དང་ ཕྱི་རྒྱལ་གྱི་ ལྟ་བཤལཔ་ཚུ་ སྤུངས་འཛོམས་འབདཝ་ཨིན་པའི་གནས་ཚུལ།

Please follow and like us: