མ་ཡཱན་མར་ལས་ སྐྱབས་འཚོལ་མི་ རོ་ཧིང་གི་ཡ་ཚུ་ ཨིན་ཌོ་ནེ་ཤི་ཡའི་ མཚོ་འགྲམ་ཚུ་ནང་ལྷོད་ཡོདཔ།

ཨཱལ་ཇ་ཟི་ར།
མ་ཡཱན་མར་ རྒྱལ་ཁབ་ནང་ དྲག་པོའི་སྲིད་གཞུང་འོག་ལུ་ སྡུག་སྦྱོང་བཏང་མི་ མུཛ་ལིམ་མི་རིགས་ རོ་ཧིང་གི་ཡ་ཟེར་མི་ མི་གྲངས་ ༢༥༠ དེ་ཅིག་ སྤྱི་ཟླ་ ༡༡ པའི་ཚེས་ ༡༧ ལུ་ གྲུ་རོ་ཁོགས་ཅིག་ནང་འཛུལ་ཏེ་ ཨིན་ཌོ་ནེ་ཤི་ཡ་ལུ་ སྐྱབས་འཚོལ་བར་ ལྷོད་ཡོད་རུང་ ཨིན་ཌོ་ནེ་ཤི་ཡ་གིས་ ངོས་ལེན་འབད་མ་བཏུབ་ལས་ གྲུ་དེ་ ཨཱན་ཌ་མཱན་ རྒྱ་མཚོའི་ནང་ར་ ལུས་སོང་ནུག།
དེ་བཟུམ་སྦེ་ འདས་པའི་བདུན་ཕྲག་ནང་ཡང་ སྐྱབས་འཚོལ་མི་ མི་གྲངས་ ༣༥༠ འབད་མི་ཅིག་ གྲུ་ ༢ ནང་འཛུལ་ཏེ་ ཨིན་ཌོདོ་ནེ་ཤི་ཡའི་ བྱང་ཕྱོགས་མཚོ་འགྲམ་ལུ་ ལྷོད་ཡོད་མི་ཚུ་ལུ་ཡང་ ཨིན་ཌོ་ནེ་ཤི་ཡ་གིས་ ངོས་ལེན་འབད་མ་བཏུབ་ཨིན་པས།
མུཛ་ལིམ་མི་རིགས་ རོ་ཧིང་གི་ཡ་ཚུ་ ཁོང་རའི་རྒྱལ་ཁབ་ནང་ སྡུག་སྦྱོང་བཏང་པ་ལུ་བརྟེན་ཏེ་ ལོ་བསྟར་བཞིན་དུ་ རང་གི་ཚེ་སྲོག་ལུ་ ཉེན་ཁ་ཡོད་རུང་ མུཛ་ལིམ་སྟོང་ཕྲག་ལས་བཅད་དེ་ མ་ལེ་ཤི་ཡ་དང་ ཨིན་ཌོ་ནེ་ཤི་ཡ་ལུ་ སྐྱབས་འཚོལ་བར་ འབྱོག་འགྱོཝ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: