སྲིད་དོན་ཚོགས་པ་ག་ར་གིས་ འགོ་ཐོག་བཙག་འཐུའི་ནང་ལས་ མཐར་འཁྱོལ་འབྱུང་པའི་རེ་འདུན།

བྷུ་ཊཱན་རྟེན་འབྲེལ་ཚོགས་པ་དང་ འབྲུག་མཉམ་རུབ་ཚོགས་པ་ འབྲུག་ཕུན་སུམ་ཚོགས་པ་ འབྲུག་མཐུན་འབྲེལ་ཚོགས་པ་ འབྲུག་མི་སེར་དམངས་གཙོའི་ཚོགས་པ་འབདཝ་ད་ སྲིད་དོན་ཚོགས་པ་ ༥ ག་ར་གིས་ སྤྱི་ཟླ་ ༡༡ པའི་ཚེས་ ༣༠ ལུ་ འགོ་འདྲེན་འཐབ་ནི་ཨིན་མི་ འགོ་ཐོག་བཙུག་འཐུའི་ནང་ལས་ མཐར་འཁྱོལ་འབྱུང་ཚུགས་པའི་ རེ་བ་ཡོདཔ་ཨིན་པས།
དེ་ཡང་ འབྲུག་ཕུན་སུམ་ཚོགས་པ་དང་ འབྲུག་མི་སེར་དམངས་གཙོའི་ཚོགས་པ་གིས་ བསམ་འཆར་བཀོད་དོ་བཟུམ་འབད་བ་ཅིན་ སྲིད་ཚོགས་རྙིངམ་ཚུ་ལུ་ གོ་སྐབས་མངམོ་ཡོད་དོ་བཟུམ་མའི་ ཚོར་སྣང་བྱུང་ཡི་ཟེར་ཨིནམ་ད་ བྷུ་ཊཱན་རྟེན་འབྲེལ་ཚོགས་པ་གིས་ སྲིད་ཚོགས་ག་ར་ལུ་ གོ་སྐབས་འདྲ་མཉམ་འཐོབ་པའི་ རེ་བ་ཡོད་ཟེར་ བཤདཔ་ཨིན་པས།
དེ་ལས་ འབྲུག་མཉམ་རུབ་ཚོགས་པ་གིས་ བཤད་དོ་བཟུམ་འབད་བ་ཅིན་ ཁོང་གི་སྲིད་ཚོགས་དེ་ སྤྱིར་བཏང་བཙག་འཐུའི་ནང་ལྷོད་པའི་ ཡིད་ཆེས་ཡོད་ཟེར་ཨིནམ་ད་ འབྲུག་མཐུན་འབྲེལ་ཚོགས་པ་གིས་ འགྱུར་བའི་དོན་ལས་ ཧེ་མ་བཟུམ་སྦེ་ར་ སྲིད་ཚོགས་གསརཔ་ཚུ་ལུ་ གོ་སྐབས་བྱིན་པའི་ རེ་བ་ཡོད་ལུགས་ཚུ་ བཤདཔ་ཨིན་པའི་གནས་ཚུལ།

Please follow and like us: