རྒྱལ་ཡོངས་ཚོགས་འདུའི་ འགོ་ཐོག་བཙག་འཐུའི་དོན་ལས་ དུས་ཡུན་ཆུ་ཚོད་ ༢༤ གི་རིང་ལུ་ རྒྱལ་སྤྱིའི་སྒོ་ར་ཚུ་ སྒོ་བསྡམ་ནི།

སྤྱི་ཟླ་ ༡༡ པའི་ཚེས་ ༣༠ ལུ་ སྤྱི་ཚོགས་བཞི་པའི་ རྒྱལ་ཡོངས་ཚོགས་འདུའི་ འགོ་ཐོག་བཙག་འཐུ་ འགོ་འདྲེན་འཐབ་ནི་ཨིནམ་ལས་ ལྷོ་ཕྱོགས་ཁ་ཐུག་གི་ རྒྱལ་སྤྱིའི་སྒོ་ར་ཚུ་ སྒོ་བསྡམ་ནི་ཨིན་ཟེར་ ནང་སྲིད་ལྷན་ཁག་ བཀའ་ཁྲིམས་བཀོད་འཛིན་ལས་ཁུངས་ཀྱིས་ གསལ་བསྒྲགས་འབདཝ་ཨིན་པས།
དེ་ཡང་ སྤྱི་ཟླ་ ༡༡ པའི་ཚེས་ ༢༩ ལུ་ ཕྱི་རོའི་ཆུ་ཚོད་ ༦ ལས་ སྤྱི་ཟླ་ ༡༡ པའི་ཚེས་ ༣༠ གི་ ཕྱི་རོའི་ཆུ་ཚོད་ ༦ ཚུན་འབདཝ་ད་ དུས་ཡུན་ཆུ་ཚོད་ ༢༤ གི་རིང་ལུ་ རྒྱལ་སྤྱིའི་སྒོ་ར་ཚུ་ག་ར་ སྒོ་བསྡམ་ནི་ཨིནམ་ལས་ ཕན་ཚུན་འགྲོ་འགྲུལ་འབད་མི་ཚུ་ག་ར་ གོང་གསལ་དུས་ཚོད་ཁར་ འགྲོ་འགྲུལ་འབད་མ་གནང་ཟེར་ གསལ་བསྒྲགས་ནང་ བཀོད་འདུག་པའི་ གནས་ཚུལ་མདོར་བསྡུས།

Please follow and like us: