ཐིམ་ཕུ་བཀྲ་ཤིས་ཆོས་རྫོང་ནང་ མི་དབང་རྒྱལ་སྲསམོ་མཆོག་གི་ མཚན་གསོལ་རྟེན་འབྲེལ།

སྤྱི་ཟླ་ ༡༢ པའི་ཚེས་ ༩ ལུ་ མི་དབང་རྒྱལ་སྲསམོ་མཆོག་གི་ མཚན་གསོལ་མཛད་གནང་ཡོདཔ་ད་ དེ་ཡང་ བསོད་ནམས་གཡང་སྒྲོན་དབང་ཕྱུག་ཟེར་ གསོལ་གནང་ནུག།
འབྲུག་པའི་མཚན་ བསོད་ནམས་ཟེར་མི་འདི་ དགེ་ཚོགས་དང་ སྐུ་ཚེ་བསྲིང་ནི་ ཁ་རྗེ་བཟང་པོའི་དོན་དང་ གཡང་སྒྲོན་ཟེར་མི་འདི་ རིན་ཆེན་ནོར་བུ་ལུ་གོཝ་ལས་ མཚན་བཟང་དེ་གིས་ ལོངས་སྤྱོད་དང་ བདེ་ཉམས་ཀྱི་ བརྡ་མཚོན་སྟོནམ་ཨིན་པས།
མཚན་གསོལ་དེ་ཡང་ སྤྱི་ལོ་ ༢༠༠༦ ལུ་ མི་དབང་མངའ་བདག་རིན་པོ་ཆེ་མཆོག་ གསེར་ཁྲིར་མངའ་གསོལ་ཞུ་བའི་ དུས་སྟོན་གྱི་ཉིན་མར་ བཀྲིས་ཆོས་རྫོང་ནང་ བརྩི་སྲུང་མཛད་ཡོདཔ་ད་ མཚན་གསོལ་རྟེན་འབྲེལ་ནང་ སྐྱབས་རྗེ་རྗེ་མཁན་མཆོག་དང་ མི་དབང་འབྲུག་རྒྱལ་བཞི་པ་མཆོག་ དབུ་བཞུགས་ཐོག་ལུ་ མི་དབང་རྒྱལ་ཡུམ་ལྷན་རྒྱས་དང་ མི་དབང་སྐུ་འཁོར་ཚུ་གིས་ གྲལ་གཏོགས་མཛད་གནང་ནུག།
མཚན་གསོལ་རྟེན་འབྲེལ་གྱི་ མཛད་སྒོའི་སྐབས་ལུ་ གྲྭ་ཚང་གི་ སྐུ་ཚབ་ཚུ་གིས་ སྐུ་གསུམ་མཎྜལ་དང་ འབྲུག་གི་འབངས་མི་སེར་ཚུ་གི་ ངོ་ཚབ་ལུ་ རྫོང་ཁག་ཉི་ཤུའི་ རྫོང་བདག་དང་ ཁྲི་འཛིན་ བླམ་གནས་བརྟན་ཚུ་གིས་ འབུལ་བ་ཚུ་ཡང་ ཕུལ་ཡོདཔ་ཨིན་པས།
མི་དབང་རྒྱལ་སྲསམོ་མཆོག་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གི་ སྲས་སྲོས་གསུམ་པ་སྦེ་ དུས་ཅི་ སྤྱི་ཟླ་ ༩ པའི་ཚེས་ ༩ ལུ་ སྐུ་འཁྲུངས་ཡོད་པའི་གནས་ཚུལ།

Please follow and like us: