དགེ་ལེགས་ཕུག་ལུ་ རྒྱལ་སྤྱི་གནམ་གྲུ་ཐང་གི་ ས་བསླངས་རྟེན་འབྲེལ།

སྤྱི་ཟླ་ ༡༢ པའི་ཚེས་ ༢༣ ལུ་ མི་དབང་མངའ་ཞབས་མཆོག་ དབུ་བཞུགས་ཐོག་ལས་ རྒྱལ་སྤྱི་གནམ་གྲུ་ཐང་གི་ ས་བསླངས་རྟེན་འབྲེལ་ མཛད་གནང་ཡོདཔ་ད་ མཛད་སྒོའི་ལས་རིམ་ཚུ་ སྐྱབས་རྗེ་རྗེ་མཁན་མཆོག་གིས་ དབུ་ཁྲིད་མཛད་དེ་ གནང་ཡོདཔ་ཨིན་པས།
ས་བསླངས་རྟེན་འབྲེལ་དེ་ཁར་ གནས་སྐབས་གཞུང་དང་ གཞུང་གི་ཆེ་མཐོའི་དཔོན་ཁག་ དེ་ལས་ རྒྱ་གར་གཞུང་ཚབ་དང་ འབྲུག་གི་ཆོས་སྡེ་ཁག་ལས་ བླ་སྤྲུལ་ཚུ་གིས་ཡང་ གྲལ་གཏོགས་མཛད་ནུག།
འབྲུག་གི་ལམ་སྲོལ་ནང་ ས་ལུ་བརྩི་བཀུར་སྦོམ་ཡོད་མི་དང་བསྟུན་ཏེ་ བཟོ་བསྐྲུན་གྱི་ལཱ་གང་རུང་ འགོ་མ་བཙུགས་པའི་ཧེ་མར་ ས་བསླངས་རྟེན་འབྲེལ་དེ་ གལ་ཆེ་དྲགས་ཨིནམ་ད་ དེ་ཡང་ ས་ཆ་ཚུ་ སའི་ལྷ་མོ་གིས་ སྲུང་སྐྱོབ་འབད་དོ་ཡོད་པའི་ ཡིད་ཆེས་ཡོད་པ་ལུ་བརྟེན་ཏེ་ སའི་ལྷ་མོ་ལས་ གནང་བ་དང་ དངོས་གྲུབ་ཞུ་བའི་ཁར་ བཟོ་བསྐྲུན་གྱི་ལཱ་དང་ ས་གནས་དེ་ནང་ སྡོད་མི་ཚུ་ལུ་ཡང་ སྲུང་སྐྱོབ་ཀྱི་ གདོང་གྲོགས་ཞུཝ་ཨིན་པས།
དགེ་ལེགས་ཕུག་ རྒྱལ་སྤྱི་གནམ་གྲུ་ཐང་དེ་ མི་དབང་མཆོག་གིས་ རྒྱལ་ཡོངས་དུས་ཆེན་གྱི་ཉིན་མར་ གསུངས་གནང་མི་ དགེ་ལེགས་ཕུག་ དྲན་ཤེས་ཁྲོམ་ཆེན་གྱི་ ཆ་ཤས་གལ་ཅན་ཅིག་ཨིན་པའི་གནས་ཚུལ།

Please follow and like us: