ཉི་ལོག་གི་སྐབས་ལུ་ ཨ་ལོ་སྡེ་ཚན་ཅིག་ གླིང་ག་ནང་གི་ཕོ་བྲང་ལུ་ ལོ་ལེགས་བགྱང་པར་བཅར་ཡོདཔ།

སྤྱི་ཟླ་ ༡ པའི་ཚེས་ ༢ ལུ་ ཉི་ལོག་གི་ཉིན་མར་ མི་དབང་སྐུ་འཁོར་ལྷན་རྒྱས་ཀྱིས་ ཐིམ་ཕུའི་ཨ་ལོ་སྡེ་ཚན་ཅིག་ གླིང་ག་ནང་གི་ཕོ་བྲང་ལུ་ ལོ་ལེགས་བགྱང་པར་ འབོ་གནང་ཡོདཔ་ད་ ཉི་ལོག་འདི་ ཉིམ་རིང་སུ་འགྱོ་ནི་ འགོ་བཙུགས་པའི་ བརྡ་མཚོན་དང་ འབྲུག་ནུབ་ཕྱོགས་ཀྱི་ མི་སེར་ཚུ་གིས་ ལོ་གསར་སྦེ་ཡང་ བརྩི་སྲོལ་ཡོདཔ་ཨིན་པས།
ཉིནམ་དེ་ཁར་ གཞུང་སྒེར་གྱི་ ཡིག་ཚང་ཚུ་ག་ར་ གཞུང་འབྲེལ་ངལ་གསོ་སྦེ་ བཞག་གནངམ་མ་ཚད་ མི་མང་ཕན་ཚུན་གྱི་བར་ན་ བཀྲ་ཤིས་བདེ་ལེགས་ཀྱི་ སྨོན་ཚིག་ཚུ་ཡང་ བརྗེ་སོར་འབད་སྲོལ་ཡོདཔ་ཨིན་པས།
དེ་བསྒང་ ཁྱིམ་ཐོག་རེ་རེ་དང་འབྲེལ་བའི་ བཀྲིས་གཡང་ཆགས་ཀྱི་ སྨོན་ཚིག་ཚུ་ སླབ་ཐོག་ལས་ ཁྱིམ་བཤལ་རྐྱབ་སྟེ་འགྱོ་མི་ ཨ་ལོ་ཚུ་ལུ་ བཟའ་འཐུང་ཚུ་ བྱིན་སྲོལ་ཡོད་མི་དེ་གིས་ མཛར་ཅུམ་ཚུ་ཟ་སྟེ་ སྤྲོ་སྟོན་དོ་ཡོདཔ་ཨིན་པས།
ཡིད་ཁར་འཐད་པའི་ ལམ་སྲོལ་འདི་ སྤྱི་ལོ་ ༢༠༠༠ མཇུག་བསྡུ་ཁམས་ཅིག་ཁར་ ཏཱ་ར་ཡ་ན་ གཞི་ཚོགས་དང་ ལམ་སྲོལ་རྣམ་སྲས་བང་མཛོད་ཀྱིས་ བརྩོན་ཤུགས་བསྐྱེད་དེ་ བསྐྱར་གསོ་འབདཝ་ལས་ཚུར་ ཉི་ལོག་གི་ཚེ་ ཨ་ལོ་ཚུ་ གླིང་ག་ནང་གི་ཕོ་བྲང་ནང་ ལོ་ལེགས་བགྱང་པར་ འབོ་གནང་སྲོལ་ཡོད་མི་དེ་ཡང་ ལམ་སྲོལ་ཅན་ཅིག་ལུ་ གྱུར་ཡོད་པའི་གནས་ཚུལ།

Please follow and like us: