རྒྱ་ནག་དང་ ཀིར་གིཛ་ཐཱན་གྱི་ ས་མཚམས་ཁར་ ས་ཡོམ་རྐྱབ་མིའི་ནང་ མི་གྲངས་ ༣ ལུ་ཤི་རྐྱེན།

སི་ཨེན་ཨེན།
སྤྱི་ཟླ་ ༡ པའི་ཚེས་ ༢༣ ལུ་ རྒྱ་ནག་གི་ ནུབ་ཕྱོགས་མངའ་ཁོངས་ ཟིན་ཇི་ཡང་ལུ་ ས་ཡོམ་ཤུགས་ཚད་ ༧.༡ འབད་མི་ཅིག་ རྐྱབ་མིའི་ནང་ མི་གྲངས་ ༣ ལུ་ ཤི་རྐྱེན་དང་ ༥ ལུ་ རྨ་སྐྱོན་བྱུང་ནུག།
རྒྱ་ནག་གཞུང་གི་ རྒྱང་བསྒྲགས་འཕྲུལ་ཁང་ལས་ བཤད་དོ་བཟུམ་འབད་བ་ཅིན་ རྐྱེན་ངན་བྱུང་སའི་ ས་ཁོངས་ནང་ལས་ མི་གྲངས་ ༡༢,༤༢༦ དེ་ཅིག་ ཉེན་སྲུང་དང་ལྡན་པའི་ ས་གནས་ཚུ་ནང་ སྤོ་བཤུད་འབད་ཨིན་པས།
ས་ཡོམ་དེ་ཡང་ འུ་ཤི་ཟེར་སའི་ མངའ་སྡེའི་ནང་ དྲོ་པའི་ཆུ་ཚོད་ ༢ དེ་ཅིག་ཁར་ རྐྱབ་ཡོདཔ་ད་ དེ་བསྒང་ སྡོད་ཁྱིམ་ ༢ རམ་འགྱོ་བའི་ཁར་ གློག་མེའི་བརྒྱུད་ཐག་སྦོམ་ཤོས་ ༢ ཡང་ མེདཔ་བཏང་ཡོད་རུང་ གློག་མེ་དེ་ བསྐྱར་གསོ་འབད་ཚུགས་ནུག་ཟེར་ བཀོད་འདུག་པའི་གནས་ཚུལ།

Please follow and like us: