ལྷོ་ཀོ་རི་ཡའི་ རྒྱ་མཚོའི་མཐའ་མར་ ཡུ་ཨེཛ་གི་ མཁའ་དམག་གནམ་གྲུ་ཅིག་ལུ་ ཐུག་རྐྱེན་བྱུང་ཡོདཔ།

སི་ཨེན་ཨེན།
སྤྱི་ཟླ་ ༡ པའི་ཚེས་ ༣༡ ལུ་ ཡུ་ཨེཛ་གི་ མཁའ་དམག་གནམ་གྲུ་ ཨེཕ་-༡༦ འབད་མི་ཅིག་ ལྷོ་ཀོ་རི་ཡའི་ རྒྱ་མཚོའི་མཐའ་མར་ བུད་མི་དེ་བརྩིས་ཏེ་ ལོ་ངོ་ ༡ གི་ ནང་འཁོད་ལུ་རང་ ཀོ་རི་ཡ་ལུ་ གཞི་གནས་ཐོག་ལས་ ལག་ལེན་འཐབ་མི་ ཡུ་ཨེཛ་གི་ མཁའ་དམག་གནམ་གྲུ་ ༣ བུད་སོངཔ་ཨིན་པས།
རྐྱེན་ངན་དེ་ཡང་ ལྷོ་ཀོ་རི་ཡའི་ ནུབ་ཕྱོགས་རྒྱ་མཚོའི་ནང་ དྲོ་པའི་ཆུ་ཚོད་ ༨ དང་ སྐར་མ་ ༤༡ དེ་ཅིག་ཁར་ དམག་སྦྱོང་འབད་བའི་སྐབས་ལུ་བྱུང་ནུག།
ཨིན་རུང་ གནམ་གྲུའི་དེད་དཔོན་དེ་ སྐར་མ་ ༥༠ དེ་ཅིག་ཁར་ གནམ་གྲུའི་ནང་ལས་ གསོན་པོ་སྦེ་ར་ འཚོལ་ཐོབ་ཡོདཔ་ལས་ བརྟག་དཔྱད་ཀྱི་དོན་ལུ་ སྨན་བཅོས་ཁང་ཅིག་ནང་ བསྐྱལ་ཡོདཔ་ཨིན་པས།
ལྷོ་ཀོ་རི་ཡ་ལུ་ ཡུ་ཨེཛ་གི་ མཁའ་དམག་སྡེ་ཚན་གྱི་ དམག་སྲིད་མེ་ཐིའུ་གེཊ་ཀེ་གིས་ བཤད་དོ་བཟུམ་འབད་བ་ཅིན་ ཁོང་གི་གནམ་གྲུའི་དེད་དཔོན་དེ་ འཚོལ་ནི་ལུ་ ཀོ་རི་ཡའི་ ཉེན་སྲུང་སྡེ་ཚན་དང་ ཡུ་ཨེཛ་མཁའ་དམག་གི་ དམག་མི་ཚུ་གིས་ ག་ནི་བ་ མགྱོགས་དྲགས་སྦེ་ འཚོལ་རོགས་འབད་དེ་ ཐོབ་ཡོད་མི་ལུ་ བཀྲིན་དགའ་ཚོར་ཡོད་ཟེར་ཨིན་པས།
གནམ་གྲུ་དེ་ ནང་འཁོད་གློ་བུར་གྱི་ གནས་སྟངས་ག་ཅི་ལུ་བརྟེན་ཏེ་ བུད་སོངཔ་ཨིན་ནའི་སྐོར་ལས་ ཞིབ་དཔྱད་འབད་བའི་བསྒང་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: